Цахим систем барилгын компани, бригадуудын хамтын ажиллагааг сайжруулж барилгын явцыг хурдасгана

Цахим систем барилгын компани, бригадуудын хамтын ажиллагааг сайжруулж барилгын явцыг хурдасгана


“Монголын барилгын үндэсний ассоциаци” ТББ нь Германы олон улсын хамтын ажиллагааны нийгэмлэг (GIZ)-тэй хамтран Барилгын салбарын БЖДБҮЭ зориулсан ажлын байрны цахим систем (бригад, хувь хүмүүс, барилгын компаниуд)-ийг хөгжүүлэх төслийг хэрэгжүүлэхээр 2021 оны 3 дугаар сарын 15-ны өдөр Гэрээнд гарын үсэн зуралцан төслийн үйл ажиллагааг албан ёсоор эхлүүлээд байна.


Төслийн хэрэгжүүлэгч байгууллага: “Монголын барилгын үндэсний ассоциаци” ТББ


Санхүүжүүлэгч байгууллага: Германы олон улсын хамтын ажиллагааны нийгэмлэг (GIZ) болон “Монголын барилгын үндэсний ассоциаци” ТББ


Уг төслийн зорилго нь: Барилгын салбарын хөдөлмөрийн зах зээл дэх үр ашиг, өрсөлдөх чадварыг дээшлүүлэх, ажлын байрыг нэмэгдүүлэх, Ковид-19 өвчний улмаас барилгын салбарын үйл ажиллагааны уналтыг багасгахын тулд барилгын салбарын БЖДБҮЭ, бригадууд болон барилгын тусгай зөвшөөрөлтэй компаниудад зориулсан ажлын байрны цахим системийг бий болгохыг зорьж байгаа болно. Энэхүү ажлын байрны цахим систем нь бригадын гишүүдийн мэргэжлийн ур чадвар, чадавх, ажиллаж байсан хугацаа болон туршлага, ажлын байршлууд, ажлын гүйцэтгэлийн хэмжээ, нарийвчилсан тоон үзүүлэлт, үйлчлүүлэгчээс өгсөн ажлын гүйцэтгэлийн үнэлгээ зэргийг харуулах болно. 




Бригадын зүгээс хэдий нарийвчилсан мэдээлэл өгнө төдий хэмжээний ажил олох боломж олдох болно. Нөгөөтээгүүр, ажлын байрны цахим систем дээр байршуулсан БЖДБҮЭ, бригадуудын олон төрлийн мэдээлэл нь барилгын компаниудад мэргэжлийн хувьд тохирохгүй мэргэшсэн бригадуудыг сонгон шалгаруулан ажилд авах боломжийг олгох, мэргэжлийн бус ажиллах хүчийг авахтай холбоотой эрсдэлийг хамгийн бага түвшинд байлгах боломжийг олгоно. 


Ерөнхийдөө ажлын байрны цахим систем нь барилгын компаниуд болон бригадуудын одоогийн хамтын ажиллагааг сайжруулах, барилгын явцыг хурдасгах, улмаар барилгын салбарын үр ашиг, тогтвортой үйл ажиллагааг нэмэгдүүлэх зорилготой юм.


Одоогоор уг төсөл нь системийн эхний хөгжүүлэлтийн шатанд явагдаж байгаа бөгөөд энэ оны 4-р улиралд багтаан Систем бүрэн ажиллагаанд оруулахаар зорин ажиллаж байна.



“Монголын барилгын үндэсний ассоциаци” ТББ 

СЭТГЭГДЭЛ БИЧИХ

АНХААРУУЛГА:
Та системд нэвтэрч орсоноор сэтгэгдэл бичих болон үнэлгээ өгөх боломжтой болно. Та нэвтрэх бол энд дарна уу.

Холбоотой мэдээ