“BARILGA EXPO 2021” үзэсгэлэн яармаг тодорхойгүй хугацаагаар хойшлогдлоо

“BARILGA EXPO 2021” үзэсгэлэн яармаг тодорхойгүй хугацаагаар хойшлогдлоо

Барилгын салбарын зорилтот гол арга хэмжээ болох “BARILGA EXPO 2021” үзэсгэлэн яармагийг 6-р сарын 18-20-ний өдрүүдэд зохион байгуулахаар төлөвлөж байсан билээ. 

Гэвч Covid-19 цар тахлын халдварын эрсдэл буурахгүй, улам бүр нэмэгдсээр байгаа энэ цаг үед мэргэжлийн болон төр засгийн байгууллагуудын зөвлөмж, зөвлөгөөг даган мөрдөж, үзэсгэлэнд оролцогчид болон үзэгчдэд эрсдэл учрахаас сэргийлэн тодорхой хугацаагаар хойшлуулж буйгаа албан ёсоор мэдэгдэж байна. 

Үзэсгэлэнд оролцогч компаниудын баталгаажуулсан талбайн захиалга хүчинтэй хэвээр үлдэж байгааг мөн дуулгаж байна. 

Мэргэжлийн байгууллагуудаас авч буй арга хэмжээ үр дүнгээ өгч, халдварын эрсдэл тодорхой хувиар буурсан үед “BARILGA EXPO 2021” үзэсгэлэн яармагаараа барилгын материалын ханган нийлүүлэгч, үйлдвэрлэгч, орон сууц үл хөдлөх хөрөнгийн төсөл хэрэгжүүлэгч, архитектур зураг төсөл зохиогч, дэвшилтэт технологи нэвтрүүлэгчид бүтээгдэхүүн үйлчилгээгээ танилцуулан эрсдэлгүй үзэсгэлэнг хамтдаа зохион байгуулцгаая. 

Жич: Зохион байгуулагдах хугацааг товлон 10-аас доошгүй хоногийн өмнө оролцогч байгууллагууддаа мэдэгдэх болно. 

Удахгүй хорио цээрийн дэглэм буурч, үзэсгэлэн маань амжилттай зохион байгуулагдана гэдэгт итгэлтэй байна. 


               

                  “BARILGA EXPO 2021” 

үзэсгэлэн яармагийг зохион байгуулах комисс

СЭТГЭГДЭЛ БИЧИХ

АНХААРУУЛГА:
Та системд нэвтэрч орсоноор сэтгэгдэл бичих болон үнэлгээ өгөх боломжтой болно. Та нэвтрэх бол энд дарна уу.

Холбоотой мэдээ