Дэлхийн хамгийн эко үйлдвэр "Макаллан вискиний үйлдвэр"

Дэлхийн хамгийн эко үйлдвэр "Макаллан вискиний үйлдвэр"
Дэлхий даяар эко био, тогтвортой архитектур руу аажмаар шилжих хандлага нь одоогийн бидний нүдэнд зөвхөн иргэний барилгад үр дүнтэй харагдаж байгааг анзааран энэхүү цуврал нийтлэлээ бэлтгэлээ. Олон улсын тогтвортой архитектурын шагнал, LEED, BREEAM, Zero energy building зэрэг шаардлагуудад өндрөөр үнэлэгдсэн үйлдвэрийн барилгуудийг хүргэж байна. /*Байр эзлүүлэн дугаарлаагүй болно./

Шинэ Макаллан вискиний үйлдвэр нь Ирландын хойд хэсэгт Спейсайд гэх талбайд 1824 оноос хойш ганцхан төрлийн соёолжний вискийг үйлдвэрлэн, одоогоор дэлхийн хамгийн борлуулалттай вискиний нэг болон түгсэн алдартай түүх намтар бүхий үйлдвэр бөгөөд эдлэн газартаа ч мөн маш анхаарал хандуулдаг дээд зэрэглэлийн брэнд юм. Үйлдвэрлэлийн үйл явцыг танилцуулан зочдыг угтан авахын зэрэгцээ хүрээлэн буй орчны үзэсгэлэнт хөдөө орон нутгийг мэдрүүлэх шинэлэг жуулчлалын аргыг хэрэгжүүлэх зорилгоор энэхүү төслийг хэрэгжүүлэх болжээ.

Архитектор: Rogers Stirk Harbour + Partners
Байршил: Спейсаид, Ирланд 
2012-2018
Талбай: 14800м2

2018 онд эцсийн байдлаар баригдаж дууссан барилга нь модулар цогцолбор бөгөөд үйлдвэрлэлийн гарц нэмэгдэх үед өргөтгөлийг хялбархан хийх боломжийг олгож байгаа юм. Төлөвлөлтийн хувьд үйлдвэрлэлийн цуврал дамжлагыг шугаман хэлбэрээр байрлуулж, нээлттэй төлөвлөлт бүхий зохион байгуулалттайгаар үйл явцын бүх үе шатыг нэг дор харуулна. Эдгээр дамжлагууд нь барилгын дээгүүр модон татангаар үүссэн зөөлөн долгионтой дээвэр хэлбэрээр тусгалаа олдог. Макаллан тариалангийн талбайгаас өвсөөр хучигдсан толгодууд уруудаж, доошоо бууж байгаа нь алсаас ирж буй зочдод байгууламж ойртож буйг сануулдаг байна. Талбайн байгалийн налуу шугамыг байрлуулсан энэхүү зураг төсөл нь эртний Шотландын газар шорооны ажлаас санаа аван байгуулжээ.





Энэхүү барилга нь жуулчдын төв (арай өндөр оройтой толгод), гурван хэсэг үйлдвэрийн дамжлага болон түүхий эдийг боловсруулах хэсгээр 5 хэсэг болон хуваагддаг. Зочдын жуулчлал нь виски үйлдвэрлэлийг шат дараалал бүрээр харахын зэрэгцээ Макалланы түүхийг харан явах, амталгаа, чөлөөт цаг зэргээр 2 цагийн гайхалтай аялал болдог байна. Интерьертээ нутгийн чулуу, мод зэрэг байгалийн материал амьд нуган дээвэр, мөн ландшафтын дизайн нь виски үйлдвэрлэх орчин, орц найрлагыг өдөөж өгөхөөс гадна зочдод аяллын идэвхтэй байдлыг нэмэгдүүлдэг.



Төлөвлөлтийн зарим онцлогуудаас

- Дэд бүтэц ба ус зайлуулах систем

Суурийн хавтангийн доор устай харьцахад бентонит дүүргэсэн царцдас болон идэвхжин уснаас хамгаалах RIW Structaseal технологийг ашиглан, багана хана зэрэг босоо гадаргууг RIW LAC-тай хавсаргасан бөгөөд цутгалтад хамт нэгтгэгддэг тул давуу талтай байдаг.

Бетон цутгалтад дүүргэгчийн оронд орон нутгийн нунтаг түлшний үнс эсвэл PFA-г ашиглан өнгө нь ялимгүй бараан болгож шинж өнгө төрхтэй болгосон.Бетон хийц нь ерөнхийдөө хананд 300мм, хучилтын хавтангийн хувьд 200мм зузаантай байдаг. Газрын ба гидро статик даралтыг бууруулах зорилгоор ханануудыг 3м-ийн интервалтай диагональ ашиглагдахаа больсон ус зайлуулах нарийн хоолойгоор хүчитгэгдсэн.

Хавтангийн доорх ус зайлуулах хоолой нь гүний усыг зөөх, бохирын болон борооны усыг зайлуулах асуудлыг шийдвэрлэхийн зэрэгцээ хүчиллэг бодисын асгаралт, галын болзошгүй усыг зайлуулна. Дугуй процессын ус зайлуулах хоолой нь үйлдвэрлэлийн дамжлага бүрийн төвд байрладаг бөгөөд үйлдвэрлэлийн процессоос гарах илүүдлийг зайлуулдаг.



Ногоон дээвэр
Дээврийн модон байгууламж 300мм-ийн зузаантай ба энэ нь 150мм-ийн уурын хаалт, дулаан тусгаарлалт ба ус үл нэвтрүүлэх тусгаарлалт, цаашлаад 150мм-ийн ногоон дээврээс бүрдэнэ. Үйлдвэрийн хувьд үйлдвэрлэлийн нэрэх үйлдвэрийн дээрх дээвэр нь барилгын зохицуулалтыг дагаж мөрдөх дулаан тусгаарлалт шаарддаггүй боловч усалгаатай ногоон дээврийг доорх нэрэх үйлдвэрийн халалт ба хатаах нөлөөнөөс хамгаалах үүднээс тусгаарлагчийг хийж өгсөн байдаг.

Дээвэр нь дээврийн гэрэлтүүлэг ба дамжлагын агааржуулалтын нүхийг баглаж, цагираг шиг гало хэлбэрээр байрлуулсан бөгөөд төлөвлөгөөний дагуу тойргийн дамжлагад шууд холбогддог. Агааржуулалтын самбарууд нь хоёр үе шаттай бөгөөд дамжлагын танхимын орчноос гарах халуун агаарыг доод төвшинд гадагшлуулах боломжийг олгоно.

Фасад ба шиллэгээ

Барилгын зүүн ба өмнөд нүүр талууд нь бүрэн шилэн фасад юм. Фасад нь 3м-ийн өргөнтэй, бүтцийн хувьд давхар бүрхүүлтэй хавтангаас бүрдэх бөгөөд сууриас тулгуурлан, хөдөлгөөний уян холбоосоор бэхэлсэн байна. Гол бүрхүүлтэй фасад ба түүнтэй холбоотой дээврийн цацраг хоорондын интерфэйс нь түлхүүр бөгөөд чухал интерфэйс юм. Гол шилэн хаалганы тулгуур ба дам нурууг зочдод хаалга гэх дохиог өгөхөөр тодруулж өгсөн. Дээврийн түвшний хараглах байдал нь уян хатан хөдөлгөөний нарийвчлалыг агуулдаг бөгөөд дээврийн бүтцийн хүрээнд босоо ба хажуугийн хөдөлгөөнийг зохицуулах шаардлагатай байдаг. Дээврийн жинг зохицуулахын тулд фасадыг суурь дээр үл мэдэгдэх байдлаар эргүүлж үйлдвэрлэлийн үеийн халалт ба өгөршлийн гүйцэтгэлийг хадгалж байхаар төлөвлөсөн.

СЭТГЭГДЭЛ БИЧИХ

АНХААРУУЛГА:
Уншигчдын бичсэн сэтгэгдэлд barilga.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ