"Туул гол дагуух амралт, зугаалгын цогцолбор"- ын загвар зураг боловсруулах уралдаан зарлагдлаа
Нийслэлийн Засаг даргын захирамжийн дагуу Туул голын эрэг дагуу 4 байршилд иргэд, олон нийтийн амрах, зугаалах, чөлөөт цагаа ая тухтай зөв боловсон өнгөрөөх талбайн төлөвлөлтийн шийдлийг олон нийтийн оролцоотой тодорхойлох зорилгоор 20 сая төгрөгийн шагналын сантай концепц, загвар зураг боловсруулах уралдааныг 2021 оны 04 дугаар сарын 30-наас 05 дугаар сарын 20-ны өдрийн хооронд 21 хоногийн хугацаатай зарлаж байна.
Уралдаанд зураг төслийн мэргэжлийн байгууллага, хувь уран бүтээлчид, мэргэжлийн ангийн оюутан, залуучууд оролцох боломжтой бөгөөд бүтээлийг 05 дугаар сарын 20-ны өдрийн 10:00-16:00 цагийн хооронд Нийслэлийн төр, захиргааны байр “Хангарди” ордон, 13 давхар, Хот байгуулалт, хөгжлийн газарт хүлээн авна.
Уралдаанд ирүүлсэн бүтээлүүдийг 05 дугаар сарын 20-өөс 23-ны өдрүүдэд Нийслэлийн Хот байгуулалт, хөгжлийн газрын вэб сайт www.home.uda.ub.gov.mn –д байршуулан олон нийтийн саналыг цахим хэлбэрээр авна. Уралдааныг дүгнэхдээ Нийслэлийн Засаг даргын захирамжаар батлагдсан үүрэг бүхий Комисс хуралдаж олон нийтийн саналын дүн болон уралдааны удирдамжид заагдсан шалгуур үзүүлэлтүүдийг үндэслэн шалгаруулна.
Уншигчдын бичсэн сэтгэгдэлд barilga.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул та сэтгэгдэл бичихдээ бусдын эрх ашгийг хүндэтгэн үзнэ үү.