2021 онд нээлтээ хийх уран барилгууд

1. Унгарын хөгжмийн барилга


Японы архитектор Су Фужимотогийн урласан энэ барилга нь музей, тоглолт зохион байгуулах танхим болон боловсролын төвийг дотроо багтаажээ. Уг барилга Унгарын нийслэл Будапешт хотын хамгийн том олон нийтийн паркын “Budapest” төслийн хүрээнд хийгдэж буй өвөрмөц хийцтэй бүтээл юм. 

Үзэсгэлэнт Városliget нуурын орчим байрлах энэ барилгын мөөгний оройг санагдуулам, мурилзсан дээвэр нь олон тооны “цоорхой”-той бөгөөд энэ хэсгээр моддын орой цойлон гарч харагддаг юм. 

Энд Унгарын уламжлалт баялаг хөгжмийн урлагийг олонд таниулах ба үзэсгэлэнт цэцэрлэгт хүрээлэнгийн зочдыг барилгын дотор гаднах ялгааг тунгалаг дизайнаараа татах зорилготой.

Тус бүтээн байгуулалт  Угсаатан зүйн музей /Museum of Ethnography/ болон Үндэсний шинэ галлерейн /New National Gallery/ 50 мянган мкв талбайд багтах томоохон бүтээн байгуулалтын нэг болох юм. 





2. Амстердамын OurDomain оюутны байр 


Оюутны байр гэхээр л сүр жавхаагүй, нэгэн хэвийн, энгийн барилга байдаг гэх ойлголт ард хоцорчээ. Чухамдаа Нидерланд улсад байх 1500 хүний багтаамжтай шинэ оюутны барилга нь ба оюутанд хэрэгтэй бүхий л тоног төхөөрөмжийг агуулжээ. Ногоон цэцэрлэгжүүлэлт бүхий ийм барилга оюутнуудын эцэг эхийн оюутан ахуй насанд мөрөөдөл нь байсан биз ээ.

90 мянган мкв талбайтай тус барилга өнгө үзэмжийн хувьд ялгаатай гурван хэсэгт хуваагддаг бөгөөд хамгийн тод өнгөтэй хэсэг нь хамгийн их нүдэнд тусч харагдах юм. Төслийн ард архитектурын OZ Architect компани ажиллаж байгаа ба уг барилга ашиглалтад орсноор өнөөг хүртэл оффисын барилгууд давамгайлж байсан худалдааны талбайг сэргээх боломжтой болох юм.







3. Гуанжоугийн Театр /Sunac Guangzhou Grand Theatre

Лондон хотын  Steven Chilton Architects компанийн зураг төслийг нь хийж гүйцэтгэсэн, БНХАУ-ын өмнөд нутаг Гуанжоуд байрлах Сунак Театр нь 2000 хүний суудалтай. Барилгын архитектурыг усанд хөвж буй хатгамалтай  торгоноос санаа авч хийжээ. Театрын гадна талын тод улаан өнгийн бүрээс дээрх зураг нь зураач Жан Хунфэйгийн шивээс мэт зургуудыг санагдуулам ажээ.  


Энэ аварга байгууламж гадна талаасаа атиралдаж харагдах бөгөөд хөнгөн цагаан мянга гаруй хавтангуудаас бүрджээ. Барилгын ажил 2021 онд дуусахаар төлөвлөгдсөн ба дотроо "360 градусын" /VR /тоглолтыг зохион байгуулах  дугуй талбайг мөн багтаасан байна. 








4. Кабо Верде улсын São Vincente арлын Хөвөгч хөгжмийн төв /Floating Music Hub/

Өнгөрсөн 10 жилд архитектур болон хот төлөвлөлтийн NLÉ  групп усан дээр хурдан бөгөөд хямд зардлаар барилга барих ихээхэн туршлага хуримтлуулаад байна. Тус компанийн өөрсдийн загварчлалын Makoko Floating System-ийг бий болгосон ба энэ нь хотын барилгын компаниудад угсрахад хялбар, бэлэн хийцийн дүнзэн угсармалуудыг санал болгож байгаа ба Нигер, Белгийн сургуулийн барилгад аль хэдийн ашиглагдаад эхэлжээ. 

Одоогоор дээрх системийн дагуу баригдсан сүүлийн барилга нь Африкын Кабо Верде улсын урлагийн төв юм. Атлантын далайд байрлах уг гурван барилгад урлагийн тоглолт болох зориулалттай ба дуу бичлэгийн студи, цэнгээний газар бий. Ерөнхийдөө угсрахад хялбар, хөвдөг архитектур нь уламжлалт соёлын газруудыг хямд төсвөөр барих боломжийг олгож байгаагаараа давуу талтай юм.





Холбоотой мэдээ