Тагтыг архитектурын гол элемент болгох нь

Барилга МН Барилга МН
2021-04-26 Алдаа мэдээлэх
6256

Өнөөгийн Монголын барилга байгууламжуудад хамгийн их анхааралгүй үлдээдэг, нормын дагуу хийгдээл д үлддэг барилгын хэсэг бол тагтны хэсэг. Гэвч тагт террас зэрэг нь фасадны өнгө төрх, бүтэн барилгын хэлбэр обьемыг өөрчилж, дотор ба гаднах аль ч мэдрэмжийг хүнд өгч чадах архитектурын үндсэн хэв шинжид нөлөөлдөг маш чухал элемент билээ. Энэхүү нийтлэлдээ тагт, террас зэргийг архитектурынхаа гол хэсэг болгосон 10 орон сууцны барилгыг хүргэж байна.

1. Рагницштрассе 36, Австри улс /2013/Архитектор: Love Architecture and Urbanism


Австрийн Грац хот дахь 15 айлын орон сууцны айл бүрд 17 м.кв тагт гарган хооллох ширээ болон цэцэг тарих гэх мэтээр тохижуулж болох гайхалтай орон зайг гаргаж өгчээ. Одоогоор орон сууцны барилгад хямд өртөгөөр чанартай жижиг өрөө бүхий орон сууцыг барих нь чухал асуудал болж байгаа. Рагницштрассе 36 нь маш энгийн зиг заг хэлбэр бүхий тагт болон орон сууц гэдгийг нь тодотгох нарс модон хашлага хийж өгснөөр энэхүү асуудлыг шийджээ.

2. Уайт Клауд, Франц улс,2017

Архитектор: Poggi + More




Энэхүү тагтны дизайны хувьд гаднах орон зайнаас тусгаарлагдсан бөгөөд жинхэнэ нэмэлт орон зайг бүрдүүлж, угааж цэвэрлэх эсвэл том хэмжээтэй зүйлийг хадгалах зориулалттай өрөөгөөр тоноглогдсон гэж хэлж болно. “Эдгээр” нэмэлт өрөө “нь дизайны ялгарах гол шинж чанар бөгөөд орон сууц бүрт бие даасан байшинд байдаг зарим шинж чанаруудыг өгдөг.


3. Вастра Кажен, Швед улс,

Архитектор: Tham & Videgård Arkitekter




Нуурын эргийн хот гэгддэг Жонкопинг хотын аж ахуй амьдралын хэв маягаас санаа аван аноджуулсан хөнгөн цагаан ашиглан өлгөөтэй загасны торыг санагдуулах фасадыг бий болгосон. Эдгээр нь хэмжээгээрээ ялгаатай цуврал нуман хаалга үүсгэдэг. Хоёр барилга нь хоёр тусдаа үйлчлүүлэгчдэд зориулагдсан тул архитекторууд нь өнгөөр ялгаатай боловч өвөрмөц хээ уялдаатай байхаар төлөвлөжээ.

4. Арбле Бланк, Франц улс,Архитектор: Соу Фүжимото




Японы архитектор Соу Фужимото энэхүү орон сууцны цамхгийн урт тагтыг “бүрэн хөгжсөн зочны өрөө” гэж тодорхойлжээ. Тус бүр нь гадагшаа өөр өөр өнцгөөр тархаж, оршин суугчид хөршүүдээ харж, тэдэнтэй харьцах боломжийг олгодог. Холоос харахад тагтнууд навчит сэнс шиг харагддаг бөгөөд хэлбэрээс санаа аван Цагаан мод хэмээн нэр өгчээ.


5. Родины 33, Мексик улс,Архитектор: Карлос Марин



Ердөө 7.8 метрийн өргөнтэй энэхүү орон сууцны хорооллын нарийн фасад нь архитектор Карлос Марин оршин суугчдын гадаа талбайг ашиглахад саад болохгүй байхаар төлөвлөжээ. Мөн зочны өрөө, хооллох хэсэгт гүйдэг шилэн хаалгуудыг суурилуулсан бөгөөд ингэснээр “дотор болон гадна талын хоорондох эрлийз байдал” -ийг үүсгэсэн.


6. Гарден Товер, Швейцарь улс,

Архитектор: Buchner Bründler Architekten




7. Тусгаар тогтнолын номын сан ба орон сууц, АНУ,2016

Архитектор:  John Ronan Architects




Чикаго хотын орон сууцны “Бруталист” төрх зонхилсон байдлыг үгүйсгэх зорилготойгоор баригдсан энэхүү “Гэгээлэг” орон сууцны хороолол нь номин ногооноос тод шар хүртэл солонгон өнгөөр чимэглэгдсэн. Барилга байгууламжийг илүү өвөрмөц болгохын тулд архитекторууд тагтуудыг тэгш хэм ритмтэй байрлуулаагүй бөгөөд энэ нь торон хаалт бүхий фасаданд контраст өгч байна.

Холбоотой мэдээ

Ачааллаж байна ..