Засгийн газрын ээлжит хуралдаан өнөөдөр болж, хатуу хөл хориог тавдугаар сарын 8-ны 06:00 цаг хүртэл сунгах шийдвэрийг гаргалаа.

Шинэ коронавирусийн халдварын нөхцөл байдлаас шалтгаалан дөрөвдүгээр сарын 10-наас эхэлсэн хөл хорио энэ ням гараг хүртэл буюу дөрөвдүгээр сарын 25-ны хүртэл тогтоогоод байсан юм. Хөл хорио тогтоосон хугацаа дуусаж байгаатай холбоотойгоор Эрүүл мэндийн яамнаас хөл хориог дахин хоног сунгах саналыг гаргаж, УОК дэмжээд байсан юм. 

Тэгвэл Засгийн газрын хуралдаанаар нөхцөл байдлын мэдээлийг сонсож, дахин сунгахаар боллоо. 2021 оны 04 дүгээр сарын 23-ны байдлаар 27,956 хүн халдвар авч 69 хүн  нас барсан.  4,127 хүн хэвтэн эмчлүүлж байгаа бөгөөд биеийн байдал хөнгөн 2,338, хүндэвтэр 1,374, хүнд 351, маш хүнд 64 иргэн байна.

• Улаанбаатар 24,242
  
• Архангай 258
• Баян-Өлгий 5
• Баянхонгор 81
• Булган 74
• Говьсүмбэр 37
• Дархан-Уул 437
• Дорноговь59
• Дорнод 22
• Дундговь 39
• Завхан 129
• Орхон 336
• Өвөрхангай 208
• Сүхбаатар143
• Сэлэнгэ 361
• Төв 606
• Увс 26
• Ховд 197
• Хөвсгөл 62
• Хэнтий 53 тохиолдол бүртгэгджээ. Улсын хэмжээнд тусгаарлах 121 байранд 5,023 иргэн байна. 649,236 хүн вакцины эхний тунд, 64,469 хүн хоёрдугаар тунд хамрагджээ. Өнөөдрөөс эхлэн вакцинжуулалтын хоёр дахь тунг 120 цэгээр хийж эхэлсэн бөгөөд дархлаажуулалтыг идэвхжүүлж, өдөрт 60 мянган хүнийг хамруулах хуваарийг гаргасан талаар өчигдөр мэдээлсэн юм.