Их гүрнүүд барилгын салбараа хөл хорионы үеэр ч зогсоохгүйг эрмэлзэж байна

Их Британи улсын  Эрүүл мэнд, аюулгүй байдлын удирдах газраас /HSE/ барилга угсралтын ажил нь Ковид19 вирусний тархалтанд нөлөөлөхгүй гэсэн судалгааны үр дүнг танилцуулжээ. Судалгаанд өнгөрсөн есдүгээр сараас хойш барилгын талбайд илэрсэн Ковид19 вирусний халдварын тоо бусадтай харьцуулахад маш бага гарчээ. Энэ нь барилга бүтээн байгуулалтын ажил бүрэн хүчин чадлаар ажилласан ч цар тахлын тархалтад нөлөөлөхгүй байгаагийн илрэл юм. Түүнчлэн барилгын салбарыг хөл хорьсноор долоо хоног тутамд 427 сая еврогийн алдагдал, 156 сая еврогийн цалингийн алдагдал, 32 сая еврогийн орлогын алдагдалд орно гэсэн тооцооллыг дээрх судалгааны үр дүн харуулжээ. 


Тус улсын Ерөнхий сайд Борис Жонсон өнгөрсөн жилийн гуравдугаар сараас хойш хатуу хөл хорио тогтоосон ч “барилга”-ын салбарын бүтээн байгуулалтын ажил хэвийн үргэлжлүүлэхээ зарласан. Энэ нь улс орны голлох салбарыг хэвийн ажиллуулах, ажилчдыг дэмжих зорилготой хэмээн тус улсын засгийн газрын удирдамжид тэмдэглэжээ. Барилга, бүтээн байгуулалтын салбарын ажилчид зөвшөөрөгдөх хамгийн бага тоогоор аюулгүй, үр дүнтэй ажилласаар өдийг хүрч байгаа юм.


АНУ-ын хувьд хөл хорионы үеэр эдийн засгийн чухал салбаруудын үйл ажиллагаа хэвийн явагдаж байна. Тэр дундаа барилга маш чухал салбарт тооцогдож бүтээн байгуулалтын болон барилгын материалын үйлдвэрлэлийн салбарынхан  хаалгаа хаалгүй, ажиллаж буй. Тус салбарын ажилчид хоорондоо 6 фут/1.8 метр/ зай барих дэглэмийг мөрдөж байна.  



Түүнчлэн дэлхий дахинд байгуулалтын ажлыг бүрэн хаасан цор ганц улс Ирланд юм. Энэ нь тус улсын эдийн засагт их хэмжээний гарз хохирлыг авчирч буй. Тухайлбал барилгын салбарын олон ажилчид хөл хорионоос үүдэлтэй хямралын улмаас Ирландаас гарч, өөр улсад очиж ажиллахыг эрмэлзэж эхэлсэн талаар зарим эх сурвалжид тэмдэглэжээ. 


Барилгын салбарт 80 мянган ажилчид ажиллаж байгаагаас Ковид19 вирусний 56 тохиолдол илэрсэн гэдэг нь маш бага тоо юм. Сүүлийн үеийн мэдээллээр нэг сая еврогоос дээш хөрөнгө оруулалт бүхий томоохон барилгын төслүүд дээр 40 мянган хүн ажиллаж байгаагаас 39 Ковид19 вирусны тохиолдол илэрсэн гэжээ.      

Эх сурвалж: www.cif.ie











СЭТГЭГДЭЛ БИЧИХ

АНХААРУУЛГА:
Та системд нэвтэрч орсоноор сэтгэгдэл бичих болон үнэлгээ өгөх боломжтой болно. Та нэвтрэх бол энд дарна уу.

Холбоотой мэдээ