2021 оны архитектур төлөвлөлтийн 5 чиг хандлага

2021 оны архитектур төлөвлөлтийн 5 чиг хандлага
Архитектурын чиг хандлага ирээдүйд илүү даяаршсан, байгальд ээлтэй шинжтэй болохоор байна. Тухайлбал барилгын архитектурт задгай орон зайг түлхүү анхаарах, байгалийн материал, энгийн хэлбэр дүрс ашиглах, тайвшруулах өнгө аястай байх гэх мэт цөөн хэдэн зүйлс 2021 оны архитектурын хэв маягийг тодорхойлох юм. 
  1. Задгай орон зай

Гэр болон оффисын архитектурт сүүлийн үед задгай орон зай ихээр нэмэгджээ. Энэ нь гэрийн болоод оффисын өрөөнд тусах гэрлийг нэмэгдүүлдэг. Оффисын хувьд задгай орон зайн архитектурын хэв маягийг ашигласнаар гэр болон албан тасалгааны хэсгүүдийн хоорондын уялдааг сайжруулж, чөлөөтэй харилцах боломж олгодог байна. 

  1. Илүү том хэмжээтэй гал тогоо

Гэрийн гал тогооны хэсэг ирэх жилүүдэд илүү томрох ба гэрийн “зүрхэн” хэсэгт байрлахаар байна. Мөн (kitchen island)  буюу заавал тусдаа хоолны ширээ гэлтгүй, бэлтгэлийн ширээг оронд нь ашиглах хэв маяг дэлгэрэх нь ээ. 

  1. Угаалгын өрөө

Угаалгын өрөө нь хүнийг тайвшруулах гэрийн нэг хэсэгт тооцогдож байна. Энэ хэсэгт саарал, бүдэг цайвар өнгүүд зонхилно. Мөн байгалийн гаралтай материалууд их ашиглагдах болно. Тухайлбал, хулсан гоёл чимэглэл, чулуу, мод зэрэг нь угаалгын өрөөний хэв маягийг тодорхойлно. Мөн тайван өнгө аясыг оруулахын тулд дугуй толь, зөөлөн гэрэлтүүлэг, угаалтуур, суултуурын өвөрмөц элементийг ашиглаарай. 

  1. Илүү их гэрэл

Үл хөдлөх хөрөнгө өмчлөгчид, архитектор, интерьер дизайнеруудын хувьд  өрөөний цонхны хэмжээг томруулснаар илүү их гэрэл тусахад чухал гэж үзэж байна. 

  1. Хана болон шал

Хана болон шал нь янз бүрийн хэв маягтай байх ба олон өнгийн сонголт, янз бүрийн хэлбэр дүрстэй өнгөлсөн мод, тоосго зэрэг нь шинэ трэндийн сонгодог жишээ юм. Байгалийн материалууд нь гэрийн өөр өөр хэсгүүдэд трэнд болж байна. Энэ нь дахин ашиглагдах боломжтой ба гэрийн уур амьсгалыг зөөлөн дулаан болгоход тустай. 

                                                                                                                   


 Эх сурвалж: https://www.levantina.com




Холбоотой мэдээ