Сар тутмын Барилга МН сэтгүүлийн 131 дэх дугаар хэвлэгдэн гарч эрхэм захиалагч, уншигч таны гарт очиход бэлэн боллоо. Барилга МН сэтгүүлийн дугаар бүрт тогтмол гардаг ярилцлагын булан, төрөл бүрийн судалгаа, салбарын тулгамдаж буй асуудлын хүрээн дэх нийтлэл, мэргэжилтнүүдийн зөвлөгөө, иргэдэд зориулсан булан болон амины орон сууцны төрөл бүрийн мэдээлэл, шинэ орон сууц, барилгын гол нэрийн материалын үнэ ханш нийтлэгддэг билээ. 

Энэ удаагийн дугаарын нүүр хуудсанд Сайхан Төмөрт ХХК хамтран ажиллаа.  

Сэтгүүлийн онцлох булангуудаас...

VIP ярилцлага: Салбартаа хийж бүтээсэн зүйлээрээ нэр хүндтэй, манлайлагчдыг VIP ярилцлагадаа урьж, тэдний бахархам амжилт, уран бүтээлийн талаар хүргэдэг билээ. 

Энэ удаагийн дугаартаа МАЭ - ийн ерөнхийлөгч, Хот төлөвлөлт, архитектурын мэргэжлийн зөвлөлийн дарга, Зөвлөх архитектор Э.Хүрэлбаатар гуайтай уулзаж ярилцлаа. Хот төлөвлөлт, бүтээн байгуулалтын салбарт хийж бүтээсэн бүгдийг нь салбарын мэргэжилтнүүд андахгүй мэдэх буй за. 

Нийтлэл: Барилгын материалын борлуулалт нь улс орон бүрт идэвхтэй хийгддэг, их хэмжээний хөрөнгө эргэлддэг өргөн хүрээтэй салбар юм. 

Тиймээс энэ чиглэлээр ажилладаг дилер, борлуулагчид эрэлтэд найдан тайвширч, үйлчлүүлэгчдээ илүү татах, үнэнч хэрэглэгч болгох тал дээр  төдийлөн хүчин чармайлт гаргахгүй, орхих хандлагатай байдаг. Аливаа бизнес нь хэрэглэгчийн хэрэгцээг хангах зорилготой, үйлчлүүлэгчийг хамгийн чухалд тооцох ёстой тул ийм хандлага байх ёсгүй юм. Хэрэв та өөрийнхөө компани, брэндийг шилдэг гэж бодож байгаа бол эдгээр 5 борлуулалтын стратегийг барилгын материалд ашиглахыг зөвлөж байна.

Мэргэжилтний үг: 

Барилгын салбарын зураг төсөл, захиалагч, гүйцэтгэгч, ханган нийлүүлэгч зэрэг идэвхтэй үйл ажиллагаа явуулж буй компаниудад ажлын төлөвлөгөө, төсөв, түгээмэл тулгардаг асуудлыг хэрхэн шийдвэрлэх, зураг төсөл гаргахдаа юун дээр анхаарах, чанартай барилгын материал сонгож, чанартай барилга бүтээн байгуулалтыг хэрхэн бий болох талаар барилгын салбарт нэр хүнд бүхий олон жилийн туршлага, чадвар хуримтлуулсан Зөвлөхүүдийн зөвлөгөөг тодорхой асуултын хүрээнд хүргэж байна. Энэ удаагийн дугаарт Монгол улсын Зөвлөх инженер Ц.Эрдэнэбатыг урилаа.  

Амины орон сууц: Сар бүрийн тогтмол булан болох АОС булангийнхаа өмнөх дугаарын нийтлэлд зочны өрөө, унтлагын өрөөний боломжит зохион байгуулалт, төлөвлөлтийн талаар нийтэлсэн. Энэ удаад бусад өрөөний төлөвлөлтөд анхаарах асуудал болон зохион байгуулалтын талаар үргэлжлүүлэн хүргэж байна. 

Дэвшилтэт технологи: ЛожикПИР бол орчин үеийн амьдралын салшгүй хэсэг юм. Таны үзэсгэлэнтэй, гялалзсан машин, таны дуртай шаахай, зөөлөн буйдан, тохилог түшлэгтэй сандал, тэр ч байтугай бяцхан охины тань баавгайг хүртэл үйлдвэрлэхэд ПИР ашигладаг. Одоогоор ПИР-с онцгой дулаан дамжуулалт бүхий материалыг үйлдвэрлэх боломжгүй бөгөөд, түүний онцлог шинж чанарууд нь ПИР-г зөвхөн дэлхий дээр төдийгүй сансар огторгуйд ашигладаг алдартай тусгаарлагч материалуудын нэг болгосон. 

ТехноНИКОЛЬ корпорацын тус бүтээгдэхүүний албан ёсны дистрибьютер “Ондилт” ХХК нь ЛожикПИР материал төдийгүй өндөр түвшний инженерчлэлийн дэмжлэг туслалцаа бүхий цогц шийдлүүдийг санал болгодог.

Дуулгах сонин: Дэлхийн архитектурын салбарын хамгийн нэр хүндтэй “Pritzker Prize” шагналын 2021 оны шилдгүүдээр Франц улсын Парис хотод ажиллаж амьдардаг архитектор Анне Лакатон, Жан Филипп Вассал нар хамтдаа хүртсэнийг 2021 оны 3-р сарын 16-ны өдөр олон улсын хүндэт шагналын ивээн тэтгэгч “The Hyatt” сангийн дарга Том Прицкер зарласан юм. 

Ингэснээр тэд “Pritzker Prize” шагналын 49, 50 дахь шагналтнууд боллоо. 

Та чадна: Зуны дэлгэр цагт гэр бүлээрээ амарч, стресс ядаргаагаа тайлан, үр хүүхдүүдээ тоглуулж, спортоор хичээллэж цагийг үр дүнтэй өнгөрөөхийн тулд өөрсдийн эзэмшил газартаа хүүхдүүдээ тоглуулах тоглоомын болон биеийн тамирын талбай төлөвлөхөд талбайн хучилтын асуудал тулгарна. 

Амины орон сууцныхаа гадна талбайд өөрсдийн хүчээр резинэн хучилтыг хийх боломжтой талаарх зөвлөгөөг аваарай. 

Та Барилга МН сэтгүүлийг Barilga.mn сайтын НОМЫН САН цэсээс дэлхийн хаанаас ч ОНЛАЙНААР унших боломжтой. 

Захиалах бол ЭНД дарна уу.

Онлайнаар унших бол ЭНД дарна уу.

Утас: 9100-0233, 7711-3333-2 утсаар холбогдоно уу.