Дэлхийн анхны газар доорхи зочид буудал

Дэлхийн анхны газар доорхи зочид буудал

Шанхай хотын алслагдсан захад удаан хугацаагаар орхигдсон хуучин карьер нь эхэндээ хэнд ч өндөр зэрэглэлийн зочид буудал болно чинээ санагдаагүй л лавтай. Гэвч арав гаруй жил, 300 сая долларын хөрөнгө оруулалт, архитекторын уран шийдлийн дараа дэлхийн 2-р дайны үеийн орхигдмол уурхайн карьер нь тансаг зэрэглэлийн Inter Continental Shanghai Wonderland гэх Хятадын уран барилгын шинэ хуудсыг тэргүүн эгнээнд бичигдэх үзэсгэлэнтэй сайхан орчин бүхий зочид буудал болон хувирчээ.

JADE+QA Architects-ийн бүтээсэн 18 давхар зочид буудал нь хуучин уурхайд сууж тогтсон, газрын гадаргаас доош, хадан цохиог налсан мэт зохиомжтой баригдсан. Өөрөөр хэлбэл орхигдсон уурхайн нэг ханыг ашиглаж барьсан энэхүү барилга нь уурхайн нөхөн сэргээлтийн нэг шинэлэг жишиг болно гэж архитектор Жохман хэлэв. Тэрээр "Энэ барилга аль хэдийнээ дурсгалт газар болсон, энэ бүтээн байгуулалтаараа хүрээлэн буй орчинтойгоо эв нэгдэлтэй амьдарч болдгийн тод жишээг харуулахыг хүссэн . Ил уурхай нь зочид буудлын нэг хэсэг, зочид буудал нь карьерын нэг хэсэг болно" гэжээ.

18 давхар барилгын 16 нь газрын гадарга доор, хоёр давхар нь усан доор байдаг. Усан доорх зургаан люкс өрөө нь  давстай усны аквариумтай бөгөөд өрөө болгон нь шөнийн усны шоу үзэх боломжтой тохилог тагттай. Гэрэл ба усан театрууд сэтгэл татам бөгөөд Лас Вегас дахь Bellagio-д болдог усны шоунаас үзэмж, зохиомжийн хувьд хамаагүй илүү ажээ.

Орхигдсон уурхайн карьерийг үзэсгэлэнтэй орчин бүхий тансаг зэрэглэлийн зочид буудал болгох нь ерөнхий архитектор Мартин Жохманий мэдэлд байсан бөгөөд тэрээр чадварлаг баг бүрдүүлж тухайн барилгын барьж дуусгах явцдаа шинээр бүртгэгдсэн 41 патентыг гаргасан гэхээр яалтач үгүй инженерчлэл, уран барилгын хувьд цоо шинэ шийдэл байсан нь харагдана.

"Зорилго нь зөвхөн уурхайг ашиглахаас гадна Шанхай хотын хөл хөдөлгөөнөөс хол тайван, тансаг уран зөгнөлийн ертөнцыг бий болгох зорилготой байсан" гэж Жохман хэлэв. Зочид буудал байрладаг Сонгжианг дүүрэг нь Шанхай хотын санхүүгийн төвөөс баруун тийш нэг цагийн зайд байрладаг. Өндөр хөгжилтэй дэлхийн том хотоос холгүй гэхэд энд үнэхээр амар тайван байдал ноёлох аж. Жишээлбэл, зочид буудлын байршил нь нарны гэрлийг дээд зэргээр нэмэгдүүлж, газрын түвшнээс доош сууж байрласан нь хойд зүгийн салхины нөлөөг багасгадаг байна.

Шанхай хотын захад цөөн хэдэн хуучин карьерын бөгөөд сүүлийн хэдэн арван жилийн хугацаанд Хятадын засгийн газар тэднийг сэргээхийг ихээр дэмжих болжээ. Хөрш зэргэлдээ ордуудыг үндэсний цэцэрлэгт хүрээлэн, гольфын талбай болгон өөрчилсөн боловч Inter Continental Shanghai Wonderland нь хамгийн гайхалтай үр дүнтэй ажил болжээ.

IHG групп нь Хятадын зочид буудлын салбарын нэгэн том төлөөлөгч бөгөөд 2018 онд нээлтээ хийсэн Inter Continental Shanghai Wonderland зочид буудал нь тэдний нэгэн чухал бүтээн байгуулалтын ажил байсан бөгөөд, өдгөө тухайн группын нэрийн хуудас болж чаджээ. Inter Continental  сүлжээ нь ойрын таван жилд дэлхий даяар шинээр 60 шинэ зочид буудал нээхээр төлөвлөөд байгаа аж. 

СЭТГЭГДЭЛ БИЧИХ

АНХААРУУЛГА:
Уншигчдын бичсэн сэтгэгдэлд barilga.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ