Эко дизайны чиг хандлага нь хүнд хоолноос авах таашаал, мэдрэмжийг илүү өдөөж өгдөг

Эко дизайны чиг хандлага нь хүнд хоолноос авах таашаал, мэдрэмжийг илүү өдөөж өгдөг

Сүүлийн жилүүдэд интерьерийг зөвхөн амьдрах орчноо биш ажлын байр мөн хоолны ертөнцийг мэдрүүлдэг ресторанууд хүртэл үйлчлүүлэгч нартаа тав тухыг өгөх зорилгоор дотор засалдаа ихээхэн анхаардаг болсон.

Энэ удаад бид их хотын  төв хэсэгт байрлах тав тух, өнгө үзэмж, хоолны амт чанарыг дээд зэргээр хангасан “Choijin Lounge & Restaurant”-ыг танилцуулж байна.  Тус рестораны 280  м2 талбайд “Decor House Design”-ы хамт олон интерьерийн цогц шийдлийг 6 сарын хугацаанд хийж гүйцэтгэсэн байна. 


Рестораны төлөвлөлт нь:        


 VIP өрөө 1





VIP  өрөө 2






Задгай VIP  


                        

 Ресторан заал


                    

Вино 



Тамхины өрөө



Тек гэх хэсгүүдээс бүрдэж байна



Ажиллах хэсэгт:

 Пицца хэсэг 

 Хоол бэлтгэх хэсэг орж байгаа юм. 


Гоёмсог хүрэн 3D хана 


Бат бөх төмөр, зэс, нерж хүрээ. Чанарыг билэгдсэн арьсан хавтан, өнгө болон материалын элементүүдийн хослол хоорондоо нэгдэж тансаг зэрэглэлийн үнэ цэнэтэй интерьерийг бүтээснээрээ онцлог давуу шийдэл болж чадсан.


Монголын үндэсний хэв маягийн шийдэл бүхий монгол гэр загвар болох тооноор ХӨХ тэнгэр харагдана. 


Tаазыг хуучин үе ба орчин үе гэсэн утгыг илэрхийлсэн шилэн тааз үндэсний хээ шийдэл зэргээс харж болно.



 

Монгол гэрийн хэв шинжийг харуулсан дугуй хэлбэрт суудал. 


Барилгын ерөнхий загвар нь европ дизайн өнгөц тусгасан хана хашааны шийдлийг байгалийн элементүүд амьд ургамлаар чимсэн нь илүү орон зайн мэдрэмжийг илэрхийлж тухтай орчныг бүрдүүлэхийг зорьсон.

Decor House Design-ийн Интерьер Дизайнер Б.Гангантөгс 

Сүүлийн үед интерьерийн мэргэжлийн үйлчилгээ авах албан газрууд ихсэж байна. Энэ тал дээр интерьер дизайны мэргэжилтний хувьд сэтгэгдлээ хуваалцаач? 

Интерьерийн салбар сүүлийн жилүүдэд хөгжиж байна. Анх интерьер гэх ямар ч ойлголтгүй байх үеэс өнөөдрийг хүртэлх хөгжлийг харвал яаж өөрчлөгдсөн нь харагдах болно. Интерьер хийгдэх үйл явцад зурагнаас эхлээд бүх ажилбарууд тодорхой хэмжээ төсөвтэй явагддаг төдийгүй хүний эргономик хэмжээнд уялдаж хийгддэг онцлогтой. Мэргэжлийн интерьер дизайны компаниар үйлчлүүлэх нь дизайны шийдэл, цаг хугацаа, чанар талбайн ашигтай зөв төлөвлөлт зэргийг оновчтой зөв гаргаж өгдөг давуу талтай.

Рестораны интерьер үйлчлүүлэгч нарт мэдээж тав тух, эерэг нөлөөллийг үзүүлдэг байх?

Дотны хүмүүстэйгээ халуун дулаан яриа өрнүүлж хамт хооллох, бизнес уулзалт хийх, өдрийг зоог барих гэх мэтэд хүмүүс ихэвчлэн интерьер сайтай, тав тухтай газрыг хайж эрэлхийлдэг. Ийм ресторанаас үйлчлүүлэгч цэвэр цэмцгэр орчин болоод дээд зэргээр тав тухыг хангасан газраар зочлохдоо хоолны сайхан амтыг илүү их мэдэрч, сэтгэл ханамжийг таашаалыг хүртдэг.  Гадаадын жуулчид тухайн улсын хамгийн их үйлчлүүлэгчтэй болоод тэдгээрт хоолны амтын сэтгэл ханамж өгдөг гэх хандалттай рестораныг интернетээс хайж зорьж очин үйлчлүүлдэг. Тэгэхээр үүгээр дамжуулан  монгол соёл ахуйгаа харуулсан интерьерийг таниулан  сурталчлах боломжийг бий болгож байгаа хэрэг.

Сүүлийн үед ресторануудад интерьерийн ямар чиг хандлага зонхилж хэрхэн хувьсан өөрчлөгдөж байна? Олон улсын ресторануудын интерьер ямар чиг хандлага, стиллтэй байдаг вэ? 

Интернет орчин хөгжиж ямар хуудаснаас хүссэн мэдээллээ авах боломжтой болсон энэ цаг үед гаднын олон интерьерийн шийдлүүдийг танин мэдэж, түүнийгээ нэвтрүүлэн хөгжин ажиллаж байна. Дэлхий нийтээр байгальд ээлтэй байх гэсэн чиг хандлага ЭКО дизайны шийдлээр түлхүү хийгдэж байна. Ногоон байгууламж манай хотод бага учраас интерьерт оруулж өгөх нь байгаль хүн хоёрын хоорондын салшгүй уялдаа холбоог бий болгож сэтгэл зүйн таашаал бидэнд өгч байдаг. Ногоон ургамал нь хүн ба орчны тав тухыг мэдрүүлж хоолноос таашаал авах мэдрэмжийг илүү өдөөж өгдөг. Интерьерийн материал төрөл ихэссэн нь давуу тал болж байгаа төдийгүй дизайнер бидний зүгээс материалыг илүү судлах шаардлага бий болж байна. Материал хоорондын өнгө болон шинж чанарын зохицол, хэрхэн суурилуулах гэх зэрэг судалгаанууд дээр үндэслэн зураг төслөө хийх гаргадаг.

Рестораны интерьерт  баримтлах зарчим, стандарт байдаг уу?

Байлгүй яах вэ. Хана тааз болон шалны материал стандартад нийцсэн, угааж арчиж цэвэрлэх боломжтой байх, шал халтирдаггүй, орчны дуу чимээ тусгаарладаг, орон зайг тэгш хэмтэй болгох материал сонгох гэх зэрэг тухайн төлөвлөлтөөс хамаараад харилцан адилгүй зарчмуудыг баримтлах шаардлагатай байдаг. 

“Choijin Lounge & Restaurant”-ын интерьерийг ямар чиг хандлагаар хийж гүйцэтгэсэн, гол онцлог шинж чанар нь юу вэ?   

Модерн классик шийдлээр төслөө гүйцэтгэсэн. Манай компанийн зүгээс цогц үйлчилгээ үзүүлж, манай материалууд ресторанд түлхүү зонхилж тусгагдсан. Тэгснээр төслийг гүйцэтгэхэд материал маань өвөрмөц өнгө загвар болон Монголын үндэсний хэв загварыг орчин үеийн шийдэлрүү хөрвүүлж өгснөөр бусад ресторанаас интерьерээс давуу талтай болсон. Бидний зүгээс зураг төслөөс гүйцэтгэл дуусч, түлхүүр хүлээлгэн өгөх хүртэлх үйлчилгээг үзүүлдэг төдийгүй гүйцэтгэлдээ баталгаат хугацааг гэрээн дээр тусгадаг. 

Хоолны соёлоороо Монголд өндөр зэрэглэлийн рестораны төсөл дээр захиалагчийн анхны санаан дээр үндэслэн зураг төслөөс гүйцэтгэлийг дуусах процесс хүртэлх бүтээлийг хамтдаа урласандаа таатай байна. 

СЭТГЭГДЭЛ БИЧИХ

АНХААРУУЛГА:
Уншигчдын бичсэн сэтгэгдэлд barilga.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ