Барилгын салбарт шилдэг бүтээгдэхүүн үйлчилгээ, дэвшилтэт техник, технологи нэвтрүүлэх мөн иргэдийн олон талт эрэлт хэрэгцээг хангах, бизнес эрхлэгчдийн хамтын ажиллагаа, зах зээлийг өргөжүүлэх зорилготой “BARILGA EXPO-2021” Олон улсын барилгын үзэсгэлэн, яармаг: - Барилгын материал, техник технологи чиглэлээр 2021 оны 4-р сарын 23-25-нд,
- Шинэ орон сууц, хаус дизайн чиглэлээр 4-р сарын 30-с 5-р сарын 2-ны өдрүүдэд “Мишээл экспо” төвд зохион байгуулагдана.
Барилгын материал техник технологи чиглэлд дэвшилтэт технологи нэвтрүүлэгчид, барилгын материалын ханган нийлүүлэгч, үйлдвэрлэгч нар бүтээгдэхүүн үйлчилгээгээ танилцуулах бол
Шинэ орон сууц, хаус дизайн чиглэлээр орон сууц үл хөдлөх хөрөнгийн төсөл хэрэгжүүлэгч, тансаг зэрэглэлийн хаусууд, интерьер, экстерьерийн шинэ содон шийдэл, архитектур зураг төсөл зохиогч нар оролцож хамгийн сүүлийн үеийн шинэ, шинэлэг шийдэлтэй орон сууц, үл хөдлөхийг үзэсгэлэнгийн зочид болох дунджаар 35.000 зорилтот хэрэглэгчдэд танилцуулах юм.
Үүнээс гадна үзэсгэлэнгийн өдрүүдэд салбарын мэргэжлийн байгууллагууд, холбоодууд, салбарын мэргэжилтнүүдийн техник технологи, амины орон сууц, барилгын материал, орон сууц, үл хөдлөх зэрэг сэдвийн хүрээнд илтгэл, семинар тавигдах болно.
Ингэснээр бараа бүтээгдэхүүнээ танилцуулж, үйл ажиллагаагаа идэвхжүүлэн, нэг цэгээс хамгийн богино хугацаанд мэдээллээ хүргэх боломжийг оролцогчид байгууллагууддаа олгож, нөгөө талаас үзэсгэлэнг үзэгч, зочидод барилгын матриал болон шинэ орон сууцны мэдээллийг нэг дор цогцоор нь өгөхөөс гадна салбарын мэргэжилтнүүдийн зөвлөгөө, мэдээллийг авах боломжийг олгож байгаа давуу талтай юм.
Мөн BARILGAEXPO.MN сайт дээр үзэсгэлэнд оролцогчдын цахим талбайг давхар бий болгон үзэсгэлэнг үзэх боломжийг хэрэглэгчдэд олгож эхэлснээр цаг хугацаа орон зайнаас үл хамааран үзэгчдийн тоо өсөн нэмэгдэж, илүү өргөн цар хүрээнд тус үзэсгэлэн зохион байгуулагддаг болсон билээ.
Талбайн сонголт:
Барилгын материал, техник технологи чиглэлээр 2021 оны 04 сарын 23-25-нд
Шинэ орон сууц, хаус дизайн чиглэлээр 2021 оны 4 сарын 30-аас 05 сарын 02-нд
Үзэсгэлэн, яармагийн ерөнхий зохион байгуулагчаар Барилга МН
Хамтран зохион байгуулагчаар БХБЯам, БХТөв ажиллах юм
Уншигчдын бичсэн сэтгэгдэлд barilga.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул та сэтгэгдэл бичихдээ бусдын эрх ашгийг хүндэтгэн үзнэ үү.