2020 онд хэдэн арван сая доллараар үнэлэгдэх Үл хөдлөх хөрөнгө борлуулахад таатай жил байгаагүй ч бас тийм ч боломжгүй зүйл биш байсан юм. Covid-19 цар тахал дэгдэхээс өмнө дэлхийн тансаг ҮХХ-ийн зах зээл аль хэдийн уналтад ороод байсан. Гэхдээ тухайн жилийн 9 оронтой ам доллараар хэмжигдэх өндөр үнэтэй ҮХХ-ийн жагсаалт 2019 оноос цөөрсөнгүй.

Уншигч танд дэлхийн хамгийн үнэтэй хаусуудыг танилцуулж байна. 

1. Stonewall Farm, Westchester County, New York — $100 Million

Тус ферм нь морин тойруулгыг багтаасан 740 акр газрыг хамардаг. Эзэмшигчид нь Calvin Clain брэндийн үүсгэн байгуулагч Calvin Clain болон хамтран эзэмшигч Barry Schwartz нар юм. ҮХХ нь 2230 мкв талбайтай, асар том хаус нь эргэлдсэн шат бүхий гайхалтай номын сан, 18 метр урт усан сан, цэцэрлэгүүд, эрвээхий барьдаг байшинтай. Мөн 88 морины багтаамжтай адууны зүчээ, уралдааны зам, хашаа зэргээс бүрдэнэ. Эргэн тойрон нь үзэсгэлэнтэй байгалиар хүрээлэгдэн оршдог байна. 

2. Orchid House, Malibu, California — $100 Million

Энэхүү ҮХХ нь 1160 мкв хэмжээтэй ба “Жеймс Бонд”-007 киноны жүжигчин Pierce Brosnan 18 жилийн турш эзэмшиж байгаа тул түүний ҮХХ гэдгээр нь хүмүүс мэддэг, архитекторын гайхалтай шийдэлтэй барилга юм. 

Тэрээр Тайландад зураг авалт нь болсон “Die Another” киноныхоо зураг авалтын дараа тус улсын архитекторууд болох Ральф, Росс Андерсен нартай гэрээ байгуулан гүйцэтгүүлж байжээ. Жеймс Бондоос онгод аван бүтээсэн уг  хаус нь тагнуулын төвөөс ч илүү  тансаг ҮХХ болж чаджээ.  

3. Villa Theole Sur Mer, France — $105 Million

Каннын тус ҮХХ нь бусадтай үл хөдлөхүүдтэй огт адилгүй. Учир нь наран шарлагын ор, жакузи ванн бүхий 50 метр урттай гайхамшигтай усан бассейнтай. 280 мкв талбайтай 4 байшинтай. Далайн эргийг 240 градусаар тольдох байрлалтай 3 акр газартай ба тусдаа байрлах аршаан сувилал, спа эмчилгээний байшингуудтай. Хэсэг тус бүр өөр өөрийн өнгө аястай байх ба энэ нь лакадсан мод, ус болон гэрэлтүүлгээрээ ялгарна. Гэхдээ тус эдлэн газарт том харш байдаггүй тул хүн болгонд таалагдахгүй байж магад юм. 

4. South Ocean Boulevard, Palm Beach, Florida — $110 Million

Үл хөдлөх хөрөнгө зуучлагч Кен Гриппин нь Доналд Трампын Мар-а-лаго клубын ойролцоо байх талбайг өмчлөх хүсэлтээ илэрхийлсэн. Гэхдээ 1100 мкв Өмнөд далайн ҮХХ 110 сая доллараар үнэлэгдсэн нь худалдан авагч олоход асуудалтай юм. Гэвч зөвхөн нэг л байшин тийм гэхэд 110 саяар өнгөрсөн жил зарагдаж чадсан юм шүү. Итали маягийн стильтэй энэхүү байшин худалдааны зарын листэд дахин орсон байгаа ба удахгүй шинэ эзнээ олох биз ээ. 

5. El Rancho Tajiguas, Santa Barbara, California — $110 Million

Тансаг зэрэглэлийн фермерийн аж ахуй нь голчлон Америкийн барууныханд хамааралтай байдаг. El Rancho Tajiguas бол ховорхон ҮХХ юм. Тус ҮХХ нь Santa Barbara-н Gaviota эрэг дээрх 3500 акр газрыг хамран авакоданы төгөл, хурган чих жимсний цэцэрлэг, хэдэн мянган акр үхрийн бэлчээр, 200 орчим амьтан тэжээж болохуйц малын байр, ургац хадгалах агуулах, ус нөөцлөх байгууламж зэргээс бүрдэнэ. Мөн тус бүр нь 940 мкв талбай бүхий Villa Della Costa, Villa Del Mare гэж нэрлэгдэх 2 байшинтай. 

6. Gemini, Manalapan, Florida — $115 Million

Тус ҮХХ нь 2020 оны дэлхийн хамгийн үнэтэй хаусын жагсаалтад хойгуур багтаж байна.  Удаан хугацаанд худалдан авагч олж чадахгүй байгаа нь Palm Beach ҮХХ-ийн хувьд тийм ч гайхмаар зүйл биш юм. Нэг талдаа далайн эрэг, нөгөө талдаа Уорт нуур бүхий 15 акр газрыг хамрах тул Флоридагийн ихэнх харшуудын эрэг дагуух газрын хэмжээг 2 дахин нугалахаар том хэмжээ юм. 

Уг Манго хаус нь нийт  9 унтлагын өрөөтэй бөгөөд 5760 мкв талбайтай. Мөн ажилтнуудын байр, бассейн, сагс, гольф, теннисний талбай, Флоридагийн бусад ҮХХ-үүдийн адил завиа зогсоох усан талбайтай. 

7. Owlwood Estate, Holmby Hills, California — $115 Million

Owlwood ҮХХ-ийг олон алдартнууд эзэмшиж байсан. Тухайлбал Sonny, Cher нар энэ газрыг эзэмшдэг байсан ба Marilyn Monroe үе үе зочилдог байжээ. Holmby Hills-д байрлах 1115 мкв талбайтай тус харш гайхалтай интерьерийн шийдэл, теннисний талбай, олимпийн тэмцээн болдог усан сангийн хэмжээтэй бассейнтай жинхэнэ баян бүрд юм. Худалдан авагч олоход хэцүү ч 2017 онд  180 сая доллараар үнэлэгдэж байжээ.  

8. Mar de Amor, Malibu, California — $115 Million

“Mar de Amor” гэсэн нэр нь Испани хэлнээс Хайрын тэнгис гэж орчуулагдах ба тус харш далайн эргийн 2,6 акр газрыг хамран оршино. 2 давхар гайхалтай орц, гарц бүхий биеийн тамирын заал, 20 хүний суудалтай театр, усан бассейн, далай руу гарах гарц, 8 авто машины гарааш, теннисний талбай зэргээс бүрдэнэ. Malibu дахь хараа булаам энэхүү гайхалтай харш нь 985 мкв талбайтай ба өвөрмөц архитекторын шийдлээрээ бусдаас ялгарна.  

9. Pacific Coast Highway, Malibu, California — $120 Million

Malibu дахь далайн эргийн цөөхөн байшингууд Номхон далайн эрэг дээрх хурдны замруу гарах гарцтай байдаг. Энэ нь өрсөлдөх чадварт нөлөөлөх маш том зүйл юм.  Тус эдлэн өөрийн хувийн харуулын байшинтай гайхалтай хувийн үл хөдлөх хөрөнгө бөгөөд 2.9 акр талбайтай,  3 давхар харш. Давстай рашаан, дарсны өрөө, хос угаалгын өрөө бүхий үндсэн унтлагын өрөөнүүдтэй.  Мэдээж хэрэг байшин өөрөө үнэхээр гайхамшигтай боловч үл хөдлөх хөрөнгийн үнэ цэнэ нь харшид биш түүний гайхалтай байршлаас хамаарна. Үзэсгэлэнтэй наран шарлагын газраар зугаалж, далай тэнгисийн үзэмжийг тольдох нь гайхалтай биш гэжүү. 

10. Palazzate, St. Peter, Barbados — $125 Million

Тус  газар нь далайн эргийг хамарсан 7000 мкв хэмжээтэй ба 1240 мкв талбайтай өвөрмөц интерьер бүхий 5 унтлагын өрөө, 6 угаалгын өрөө, тохилог фитнесс төв, уурын өрөө, 18 машины гарааш, Гэгээн Питер наран шарлагын газар руу шууд нэвтрэх гарц зэрэг тохь тухыг бүрэн хангасан, зөвхөн танд зориулсан амралтын газарт байгаа юм шиг сэтгэгдэл төрүүлнэ. Мэдээж хэрэг аюулгүйн иж бүрэн системээр тоноглогдсон. Тансаг аялал зугаалгад жинхэнэ утгаараа тохирох уг харшыг 2015 онд барьж ашиглалтад оруулсан ба одоог хүртэл эзнээ олоогүй байна.

11. The Beverly House, Beverly Hills, California — $125 Million

Та урьд өмнө Beverly хаусыг харж байсан байх магадлал өндөр. Яагаад гэвэл тус хаус нь кино од юм. 1992 онд гарсан “Бие хамгаалагч” киноны зураг авалтууд тус хаусд хийгдсэн ба тус киноны продюсер Jack Woltz "Загалмайлсан эцэг" киноны тасарсан морины толгойн хажууд сэрдэг хэсгийн зураг авалтыг мөн хийсэн. Хамгийн сүүлд Beyoncé-н “ Black is King” хөгжимт киноны зураг авалтыг хийсэн юм. 4645 мкв хэмжээтэй ба Испанийн колоны үеийн фасад, гайхалтай усан сан, цэцэрлэгүүдтэй. Анхлан William Randolph Hearst ба түүний эхнэр Marion Davies нарын гэр байсан ба тэдний хайр сэтгэлээс онгод аван гайхалтай төрхийг олсон байж ч болох юм. 

Үргэлжлэл бий...

Орчуулсан: Д.Цолмонгэрэл