Өмнөд Солонгос улс нь COVID-19 цар тахлын эсрэг аж ахуйн нэгжүүдийг хаах, гэрт нь хорих зэрэг бусад орнуудын хэрэгжүүлсэн хатуу арга хэмжээг хэрэгжүүлэхгүйгээр цар тахлын тархалтын эсрэг хурдан хугацаанд зөв оновчтой арга хэмжээнүүдийг авсан юм. Тус улс нь цар тахлын бэлэн байдал, хариу арга хэмжээний хүрээнд илрүүлэх, хязгаарлах, эмчлэх гэсэн гурван үе шатыг амжилттай хэрэгжүүлж иржээ. Өмнөд Солонгост гол шийдвэр нь засгийн газар, шинжлэх ухааны олон нийтийн хамтын ажиллагаа байв. Олон зуун инновацийн, өндөр хүчин чадалтай клиник эмнэлгүүдийг барьж, хувийн хэвшлийнхэнтэй нягт хамтран ажиллаж байв. Тахлын дэгдэлт нэмэгдэхийн хэрээр хурдан шуурхай үр дүнтэй оношлон илрүүлэх зорилгоор 600 шинжилгээний газрыг нэмэлтээр бий болгож, өдөрт авах шинжилгээний хүчин чадлаа 15-20,0000 хүргэсэн билээ.

    Мөн халдвартай өвчтөнүүдийг тусгаарлаж, хорио цээрийн дэглэмд хамрагдсан хүмүүсийг эдийн засгаар дэмжиж, хамгийн чухал нь хавьтлыг ер бусын нарийвчлалтайгаар мөрдөн ажилласан явдал юм. Еpidemiological intelligence officers- Эпидемиологийн тандалт судалгаа явуулж олон зуун офицеруудаас бүрдсэн ажиллах хүчийг эдгээр мөрдөн тандах ажилд татан оролцуулж, иргэдийн зээлийн картын гүйлгээ, хаалттай телевизийн бичлэг зэрэг олон төрлийн мэдээллийн эх үүсвэрийг ашиглах эрхийг олгож байсан.

   COVID-19-ийн халдвар илэрсэн анхны улсуудын нэг бөгөөд анхны тохиолдол нь БНХАУ-ын Ухань хотоос 2020 оны 1-р сарын 20-ны өдөр ирсэн хүнээс анхны тохиолдол илэрсэн юм. Засгийн газар яаралтай хуралдаж, онцгой байдлын газарт хариу арга хэмжээ авах хороог байгуулсан бөгөөд энэ үеэр нийгмийг хэвийн горимд байлгах цар тархалтад бэлэн байдал, хариу арга хэмжээ авсан байна.

БНСУ-ын Үндэсний Ассамблейн Ордон Парламентийн гишүүний туслах

Let’s Ko&Mong Хамтдаа бүтээх Монголын Мөрөөдөл ТББ-ын тэргүүн

БНСУ-ын Ханяаны Их сургууль Улс төр гадаад харилцаа бакалавр

БНСУ-ын Ихва Эмэгтэйчүүдийн Их сургууль Төрийн бодлого магистр Б.Урангоогын бэлтгэсэн тус улсын тахлын үед авч хэрэгжүүлсэн хариу арга хэмжээг танилцуулж байна.