БХБЯ болон харьяа байгууллага, төслийн нэгжүүд нэгдэн УОК-т хандив өргөлөө

БХБЯ болон  харьяа байгууллага, төслийн нэгжүүд нэгдэн УОК-т хандив өргөлөө

Ковид-19 цар тахлын халдварыг дотооддоо алдаж, халдварыг тогтоон барих, тархалтаас сэргийлэхээр ажиллаж байгаа Улсын онцгой комисс, Эрүүл мэндийн яам, онцгой байдал, цагдаа, мэргэжлийн хяналт зэрэг байгууллагыг дэмжиж Барлга, Хот байгуулалтын яам, харьяа байгууллага, төслийн нэгжийн нийт албан хаагч, ажилтан нэгдэж нэгээс гурван өдрийн цалин буюу 26.2 сая төгрөгийг УОК-т хандивлав.


Хандивыг БХБ-ын сайд Б.Мөнхбаатар, Төрийн нарийн бичгийн дарга С.Магнайсүрэн Онцгой байдлын ерөнхий газрын дарга, бригадын генерал Г.Ариунбуянд 2020 оны 11-р сарын 24-ний өдөр гардуулан өглөө.


Коронавирусийн халдварыг манай улс дотооддоо алдаад буй ч голомтыг олж тогтоон барих, урьдчилан сэргийлэх, ард иргэдийн эрүүл мэнд, амар тайван байдлын төлөө хүнд нөхцөлд ажиллаж буй УОК, мэргэжлийн байгууллагын хамт олонд талархаж буйг илэрхийлжээ.


Вирусын тархалтыг тогтоон барих, урьдчилан сэргийлэх чиглэлээр зохион байгуулж буй үйл ажиллагаанд зориулан төсвийн болон төрийн өмчит, төслийн нэгжүүдээс бүрдсэн дараах найма байгууллага нэгджээ.

Үүнд:

  • Барилга, хот байгуулалтын яам;

  • Барилгын хөгжлийн төв ТӨААҮГ;

  • Газар зохион байгуулалт, геодези зураг зүйн газар;

– Төрийн орон сууцны корпораци;

  • Хот суурины ус хангамж, ариутгах татуургын ашиглалт үйлчилгээг зохицуулах зөвлөл;

  • “Ногоон нуур-1008 айл орон сууцны төсөл;

  • Улаанбаатар хотод төв цэвэрлэх байгууламжийг шинээр барих төсөл;

  • Дархан хотын бохир усны менежментийн төсөл;

  • Зүүн өмнөд говийн хот байгуулалт, хилийн ойролцоо суурин газруудын хөгжлийн төсөл нар нэгдсэн байна. 


СЭТГЭГДЭЛ БИЧИХ

АНХААРУУЛГА:
Уншигчдын бичсэн сэтгэгдэлд barilga.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ