Улсын онцгой комиссоос нийтийн бэлэн байдалд шилжих шийдвэр гарснаар барилгын салбарын аж ахуйн нэгж, байгууллагуудын хувьд үүний эсрэг зогсох боломж шууд хязгаарлагдаж, ажилчид цалингүй болж, ядуурал, ажилгүйдэл нэмэгдэж, цаашилбал нийгмийн сөрөг нөхцөл байдал буюу нийгмийн халамжийн зардлыг улам даах аргагүй болох сөрөг үр дагаврууд бий болохоор байна. Энэ цаг үед төр, засаг боломжоороо улс орны эдийн засаг, бизнес эрхлэгчдээ дэмжих хэрэгцээ, шаардлага тулгарч байна. Иймд барилга бүтээн байгуулалтын салбарын тулгамдсан асуудлаар барилгачдынхаа саналыг нэгтгэн Монгол улсын ерөнхий сайд У.Хүрэлсүх, Монгол улсын шадар сайд, УОК - ын дарга Я.Содбаатар, Монгол улсын их хурлын дарга Г.Занданшатар, Барилга, хот байгуулалтын сайд Б.Мөнхбаатар нарт Монголын Барилгын Үндэсний Ассоциациас энэхүү албан бичгийг хүргүүллээ.