Барилга МН сэтгүүлийн шинэ дугаарын онцлох булангуудтай танилц

Барилга МН сэтгүүлийн шинэ дугаарын онцлох булангуудтай танилц
Барилгын салбарынхны сар бүр захиалан хүлээдэг Барилга МН сэтгүүлийн 126 дахь шинэхэн дугаар хэвлэгдэн гарлаа. Салбарын захиалагч, уншигч нартаа зориулан сар бүр салбарын нэр хүнд бүхий VIP зочны ярилцлага, амины орон сууц, салбарын судалгаа, иргэдэд зориулсан хэрэгтэй зөвлөгөө, шинэ материал, технологийн дэвшил, архитектур дизайн, материал болон ажил гүйцэтгэлийн үнэлгээ, шинэ орон сууцны үнэ ханш болоод бусад мэдээ, мэдээллүүдийг тогтмол хүргэдэг билээ. 


Энэ сарын дугаарт нийтлэгдсэн онцлох булангуудыг танилцуулж байна.


VIP ярилцлага: Дэлхийн үл хөдлөх хөрөнгийн салбарын топ франчайз компаниудын нэг болох RE/MAX компани Монголд үйл ажиллагаагаа эхлүүлээд 5 жил болж байгаа билээ. Энэ удаагийн VIP ярилцлагадаа тус компанийн гүйцэтгэх захирал үл хөдлөх хөрөнгө зуучлалын салбарт амжилттай ажиллаж яваа залуу бизнесмен Г.Тэмүүлэнг урилаа.

 


Тэрээр RE/MAX франчайзыг анхлан нэвтрүүлэхээс эхлээд  50 салбар компанийн 1000 гаруй ажилтантай болтол өргөжин тэлж, өсөн  хөгжихөд гол үүрэг гүйцэтгэн ажилласаар байгаа залуу бизнесмений ярилцлагыг тус сэтгүүлийн “VIP ярилцлага”-ын булангаас уншаарай 


Нийтлэл: Сүүлийн үед гаднаа гяланцаг, дотроо паланцаг гэдэг шиг харагдах байдалд хэт ач холбогдол өгсөн, дотор материалууд чанаргүй, галын тэсвэршилтийн зэргийн нормыг зөрчсөн гэх мэт олон шалтгаанаас эзэн хүн эд хөрөнгөөрөө хохирох, цаашлаад хүний амь эрсдэх хэмжээний аюул учирч байгаа нь харамсалтай. Тиймээс энэ удаагийн нийтлэлд барилга дээр гарч байгаа галын шалтгааны талаар хөндөн бичлээ. 



Судалгаа: “Монгол улсын Үндэсний статистикийн хороо”-ноос жил бүр гаргадаг 2019 оны Барилгын салбарын нэгдсэн судалгаанаас “Барилгын материал үйлдвэрлэл, импорт”-ын талаарх судалгааны хэсгийг онцлон хүргэж байна. 


Судалгааны дэлгэрэнгүй тоо, баримтын талаарх мэдээллийг “Судалгаа” булангаас унших боломжтой. 


Мэргэжилтний үг: Монгол улсад дотоод орчны агаарын бохирдлын түвшинг судлан тогтоох, бууруулах эхний алхмууд 2004-2005 онуудад Эрүүл Мэндийн Яам (ЭМЯ)-ны санаачлагаар, ДЭМБ-ын санхүүжилттэйгээр хийгдэж эхэлсэн. Энэхүү судалгаагаар айл өрхүүдийн дотоод орчны агаарын бохирдол эрүүл мэндэд сөргөөр нөлөөлж байгааг тогтоосон бөгөөд дотоод орчны агаарын чанарыг сайжруулах шаардлагатайг тогтоожээ.



Энэ талаарх дэлгэрэнгүйг “Мэргэжилтний үг” булангаас уншина уу. 


Амины орон сууц: Эртний түүхт дархан цаазат Хан Богд уулынхаа бэлд их хотын нүргээнт чимээ шуугианаас ангид,  хайртай дотны хүмүүстэйгээ хамт өнгөрүүлэх гэрэлт дурсамж, гал голомтоо бадраасан аз жаргалант амьдралын хөрөг, үе дамжин өвлөгдөх үнэ цэнэтэй бодит баялаг бол “ХАН ТӨГӨЛ” хотхон юм.



Тус хотхон нь европын сонгодог хэв шинжийг монгол архитектор, инженерүүдийн гайхалтай ур ухаанаар уламжлан баяжуулж, орчин үеийн техник технологийн дэвшлийг хослуулан цогцлоож, оршин суугч бүрийн хэрэгцээ шаардлагыг бүрэн хангахуйц тансаг зэрэглэлийн хаус хотхон юм. 

211 айлын цогцолбор хотхоны дэлгэрэнгүй шийдэлтэй “Амины орон сууц” булангаас танилцаарай.  


Үл хөдлөх хөрөнгө: Санхүүгийн зохицуулах хорооны Үл хөдлөх эд хөрөнгө зуучлал, үнэт эдлэлийн зохицуулалтын газрын дарга Н.Энхтуяатай үл хөдлөх хөрөнгийн салбар хуулийн зохицуулалттай болсон, тусгай зөвшөөрөл олгох батлагдсан журам, журам батлагдсанаар гарах давуу тал, цаашид энэхүү салбарыг хөгжүүлэхэд хийж, хэрэгжүүлэх ажлуудын талаар ярилцсанаа хүргэж байна.

 


Та чадна: Иргэд орон сууцныхаа балконыг /тагт/ ихэвчлэн агуулах эсвэл бүр амбаар болгон ашигладаг. Тагтны ашигтай орон зайг зөвхөн энэ зорилгоор ашиглах нь зохимжгүй бөгөөд дизайны хувьд илүү сонирхол татахуйц, гэр бүлийнхэнтэйгээ  амарч, чөлөөт цагаа өнгөрүүлэх  талбай болгохын тулд дулаалга, өнгөлгөөний түгээмэл материалыг ашиглан өөрсдийн гараар өөрчилж, цэвэрхэн, тав тухтай болгож болно. Тагтыг  ингэж өөрчлөснөөр өрөөний нийт ашигтай талбай нэмэгдэж, жижиг өрөө болж, дулааныг сайн тусгаарлаж, орон сууцны өрөө тасалгаанд тоос шороо орохоос хамгаална.

  

Та тагтаа хэрхэн тохижуулах гэж байгаа бол энэхүү нийтлэлийг уншин зааврын дагуу хамт  хийгээрэй гэж зөвлөе. 


Эдгээр болон бусад нийтлэлүүдийг Барилга МН сэтгүүлийн 126 дахь дугаар буюу 11-р сарын цоо шинэхэн дугаараас хүлээн авч уншаарай.


Захиалгын утас: 7711-3333, 91000233

СЭТГЭГДЭЛ БИЧИХ

АНХААРУУЛГА:
Та системд нэвтэрч орсоноор сэтгэгдэл бичих болон үнэлгээ өгөх боломжтой болно. Та нэвтрэх бол энд дарна уу.

Холбоотой мэдээ