Монгол улсын барилгын салбараас шинээр төрөн гарсан Хөдөлмөрийн баатар болон Монгол улсын гавьяат барилгачин цол тэмдгээр шагнагдсан салбарын тэргүүнүүдийг Барилга, хот байгуулалтын сайд Б.Мөнхбаатар хүлээн авч хүндэтгэл үзүүллээ.

Үндэсний үйлдвэрлэлийг сэргээх, чөлөөт зах зээлийг хөгжүүлэх, иргэдийг ажлын байраар хангах болон барилга, дэд бүтцийн салбарыг дэлхийн жишигт нийцүүлэн, эрхэлсэн ажилдаа олон жил үр бүтээлтэй ажиллаж, улс орныхоо нийгэм эдийн засгийн салбарт өндөр хувь нэмэр оруулж буй Монгол Улсын Хөдөлмөрийн баатар “Макс” группийн ерөнхийлөгч Дагвадоржийн Ганбаатар, Монгол Улсын гавьяат барилгачин “Хурд групп” ХХК-ийн барилгын даамал Мятавын Хүрэлбаатар, “Арвин очир” ХХК-ийн ерөнхий захирал Цагаанайн Зулхүү нарт барилга, үйлдвэрлэл, худалдааны салбарт шинэ стандарт, шинэ чанарын жишгийг тогтоож, баялаг бүтээгчдийг үлгэрлэн дагуулж буйд талархан халуун баяр хүргэлээ.