Монгол улсын нутаг дэвсгэр дээр ашиглалтад орсон орон сууцыг судалж, борлуулагдаагүй байгаа орон сууцтай танилцах, үнэн зөв мэдээ, мэдээллээр хангах зорилготойгоор “Барилгын хөгжлийн төв”-өөс нийслэлийн 9 дүүрэг, 21 аймгийг хамруулсан судалгааг 2019 оны байдлаар гаргаад байна. 2020 оны орон сууцны судалгааг 2021 оны эхний улиралд гаргах тул 2019 оны судалгааг хүргэж байна. 

Нийслэлийн нутаг дэвсгэрт байнгын ашиглалтад орсон орон сууц

Улаанбаатар хотод 2019 оны 1-3-р улиралд нийт 9,799 айлын  орон сууц байнгын ашиглалтад орж улсын комисс хүлээн авсан байна.

Үүнд:

• Баянгол дүүрэгт 861
• Баянзүрх дүүрэгт 3043
• Налайх дүүрэгт 112
• Сонгино хайрхан дүүрэгт 322
• Сүхбаатар дүүрэгт 661
• Хан-Уул дүүрэгт 4541
• Чингэлтэй дүүрэгт 259 айлын орон сууцууд байнгын ашиглалтад орсон бол  Багануур болон Бага хангай дүүрэгт энэ оны 3-р улирлын байдлаар орон сууц ашиглалтад ороогүй байна.

Орон нутгийн нутаг дэвсгэрт байнгын ашиглалтад орсон орон сууц

21 аймагт 2019 оны 1-3-р улиралд нийт 2464 айлын  орон сууц байнгын ашиглалтад орсон байна. Хангайн бүс 1130,  баруун бүс 422,  зүүн бүс 912 айлын орон сууц тус тус ашиглалтад оржээ.

Нийслэл хотод 2019 онд Хан-Уул дүүрэгт 4541 айлын 44 барилга буюу хамгийн их орон сууц шинээр баригдаж байна. 2-с 23 давхар, хүчин чадал нь 16-с 480 айлын орон сууцны барилгууд байна.

Орон нутгийн хувьд 2019 онд Сэлэнгэ, Хэнтий аймгуудад орон сууцны барилга шинээр ашиглалтад ороогүй байна. Дархан-Уул аймагт 400 айлын барилга буюу хамгийн их орон сууц шинээр баригдаж байна. 2-с 15 давхар, хүчин чадал нь 5-с 225 айлын орон сууцны барилгууд байна.

Нийслэлийн нутаг дэвсгэрт байнгын ашиглалтад орсон орон сууцнаас борлуулагдсан болон борлуулагдаагүй орон сууц

Хүснэгт: 1

2019 онд орон нутагт 2464 айлын орон сууц ашиглалтад орсноос 1944 борлуулагдсан, 520 борлуулагдаагүй байна.

Судалгааны дүгнэлт
2019 оны 1-3 р улирлын байдлаар нийслэлийн 9 дүүрэг, орон нутгийн 21 аймагт нийтдээ 12263 айлын орон сууц ашиглалтад орж улсын комисс хүлээн авсан байна. Үүнээс 9 дүүрэгт 9799 айлын орон сууц ашиглалтад орсон бол 21 аймагт 2464 айлын орон сууц ашиглалтад оржээ. Нийт ашиглалтад орсон орон сууцнаас дүүргүүд 7447, аймаг 1944 айлын орон сууц борлуулагдсан байна.
2019 онд ашиглалтад орсон орон сууцнаас борлуулагдаагүй байгаа орон сууц дүүргүүдэд 2352, аймгуудад 520 айлын орон сууц борлуулагдаагүй байна. Нийт орон сууцны 23,42 хувь нь борлуулагдаагүй байна.