Шинэ үеийн барилгын салбар үүсч хөгжсөний 94 жилийн ойн баярыг тохиолдуулан зохион байгуулж байгаа “Барилга Орон сууц 2020” үзэсгэлэн өнөөдөр 12 цагт “Мишээл экспо” төвд нээлтээ хийнэ. 

Үзэсгэлэнд ипотекийн 8 хувийн зээл, компанийн хувь лизингд хамруулах шинэ орон сууцны төслүүд, амины орон сууцууд, дулаан алдагдлыг бууруулсан пассив барилга, дулаан тусгаарлалтын будаг гэх мэт 2020 онд зах зээлд шинээр нэвтэрсэн дэвшилтэт технологи, барилгын материалуудыг олон нийтэд танилцуулах болно. Энэ жилийн үзэсгэлэнд төсөл хөтөлбөр хэрэгжүүлэгчид, барилгын материалын үндэсний хэмжээний томоохон үйлдвэрлэгчид, ханган нийлүүлэгчид, шинэ техник технологи нэвтрүүлэгчид гэх мэт 120 гаруй компани оролцоно.

Зөвхөн үзэсгэлэнгийн гурван өдрийн турш орон сууцууд 15% хүртэлх, барилгын материалууд 20% хүртэлх хямдрал зарлаж, гарын бэлэг, онцгой урамшуулалыг зарлаж байгаа төдийгүй  ивээн тэтгэгч “Цемент Шохой” ХК- ийн хүндэт харилцагчдад гарын бэлэг гардуулах болон азтан шалгаруулах сугалаа явагдана. Хямдрал урамшууллын дэлгэрэнгүйг энд дарж авна уу. 

Түүнчлэн үзэсгэлэнгийн өдрүүдэд төрөөс хэрэгжүүлж буй бодлого шийдвэрийн мэдээлэл, салбарын дэвшилтэт техник технологи, маркетинг, иргэдэд зориулсан үл хөдлөх хөрөнгө, амины орон сууцны шийдлийг танилцуулах сургалт, семинарууд болно. Мөн Монголын шилдэг архитекторуудын уран бүтээл, орчин үеийн загварын барилга байгууламжуудын зураг төслийг танилцуулах үзэсгэлэн зохион байгуулагдана.

Үзэсгэлэн нь  Мишээл экспогийн танхимд павилион засахаас гадна давхар онлайн хэлбэрээр зохион байгуулагдаж байгаагаараа онцлог бөгөөд ирж үзэж амжаагүй үзэгчид интернетээр үзэх боломжтой юм.

Үзэсгэлэн яармагийн ерөнхий зохион байгуулагчаар Барилга.МН, хамтран зохион байгуулагчаар Барилга Хот Байгуулалтын Яам, Барилгын Хөгжлийн Төв ажиллаж, Ивээн тэтгэгчээр “Хан төгөл” хотхон, “Цемент шохой” ХХК оролцож байна.

Шинэ орон сууц хайж байгаа, барилгын салбарын шинэ технологитой танилцахыг хүссэн хүн бүрийг  “БАРИЛГА, ОРОН СУУЦ 2020” үзэсгэлэнд хүрэлцэн ирж барилгын салбарын хөгжил дэвшилтэй танилцахыг урьж байна. 

Холбоо барих: 77113333, 99000981, 91000222