Шинэ үеийн барилгын салбар үүсч хөгжсөний 94 жилийн ойн баярыг тохиолдуулан зохион байгуулж байгаа “Барилга Орон сууц 2020” үзэсгэлэнгийн хүрээнд болох арга хэмжээний талаар хэвлэлийн бага хурал БХТ -ийн хурлын тахимд боллоо. Хуралд БХБЯ-ны ББМҮХ-ийн ахлах шинжээч Д.Батзориг, БХТ-ийн Тэргүүн дэд захирал Б.Ганболд, Барилга МН-ийн ерөнхий захирал Г.Батсүх нар оролцов.

Үзэсгэлэнгийн өдрүүдэд төсөл хэрэгжүүлэгчид шинэ орон сууцны төслөө танилцуулан, ипотекийн 8 хувь, компанийн хувь лизингэд хамруулахаас гадна зөвхөн үзэсгэлэнгийн гурван өдрийн турш гал тогооны иж бүрэн тавилга болон гарааш үнэгүй бэлэглэх зэрэг онцгой хямдрал, урамшуулалыг олгох болно. Барилгын материалын чиглэлээр 80 гаруй дотоодын томоохон үйлдвэрлэгчид болон ханган нийлүүлэгчид оролцон, бүх төрлийн материалуудыг нэг доороос худалдан авах боломжийг бүрдүүлж байна. Дулаан алдагдлыг бууруулсан пассив барилга, дулаалгын материал, дулаан тусгаарлалтын будаг болон барилгын салбарт нэвтэрч байгаа  шинэ материал, дэвшилтэт технологиуд танилцуулагдана. 

Оролцогчид маань Мишээл экспогийн үзэсгэлэнгийн танхимд павилион засахаас гадна BARILGA.mn сайтад цахим талбай зассаныг ирж үзэж амжаагүй үзэгчид интернетээр үзэх боломжтой юм.

Мөн үзэсгэлэнгийн өдрүүдэд Төрөөс барилгын салбарт баримталж буй бодлого, дэвшилтэт техник технологи, Амины орон сууцны, Эрчим хүчний хэмнэлт,  Хувийн байшингийн халаалт, халуун ус, бохирын шийдэл зэрэг танилцуулах сургалт, семинарууд болохоос гадна Монголын шилдэг архитекторуудын уран бүтээл, орчин үеийн загварын барилга байгууламжуудын зураг төслийг танилцуулах үзэсгэлэн болно.

Үзэсгэлэнгийн нээлт маргааш буюу 8-р сарын 21-ны 12 цагт Мишээл экспо төвд эхлэх бөгөөд нээлтэд Барилга, хот байгуулалтын сайд Б.Мөнхбаатар, Барилгын хөгжлийн төвийн захирал Ц. Амарсанаа, салбарын төрийн болон ТББ-ын удирдлагууд оролцох юм.

Үзэсгэлэн яармагийн ерөнхий зохион байгуулагчаар Барилга.МН, хамтран зохион байгуулагчаар Барилга Хот Байгуулалтын Яам, Барилгын Хөгжлийн Төв ажиллаж, Ивээн тэтгэгчээр “Хан төгөл” хотхон, “Цемент шохой” ХХК оролцож байна.

Та бүхнийг үзэсгэлэнгийн нээлтийн арга хэмжэээнд хүрэлцэн ирэхийг урьж байна. Үзэсгэлэн 8-р сарын 21-23-ны хооронд зохион байгуулагдах болно. 

Дэлгэрэнгүй мэдээллийг ЭНДЭЭС авна уу.

Холбогдох утас: 7711-3333