Зусландаа модон савлуур өөрсдөө хийцгээе

Зусландаа модон савлуур өөрсдөө хийцгээе

Зуны дэлгэр цагт хүүхдүүд тань гадаа тоглож дархлаагаадэмжих биш цахим ертөнц, тоглоомонд ихэнх цагаа өнгөрүүлж суугаа юм биш бизЭнэ асуудлыг шийдэхэд нэмэр болох орчин үеийн шийдэл бүхий зугаатай, өнгөлөг савлуурыг зуслангийнхаа гадна талбайд бүтээгээрэй. Тийм ч хэцүү зүйл биш шүү, оролдоод нэг үзээрэй.

Өнгөлөг савлуур бүтээхэд дараах материалууд орно.

·        Шүршигч будаг

·        Модны эрэг шруп, гайк

·        4х4х10 өнгөлж бэлдсэн модон палк 2ш

·        2x4 модон палк 2ш

1x4 модон банз 60ш

·        Палкны төмөр тогтоогч 2ш

·        Ган L хэлбэрийн булан 2ш

·        6x6x12 өнгөлж бэлдсэн модон палк1ш

·        2x6 модон банз 1ш

·        Төмөр дэгээ 12ш

·        Төмөр холбогч 12ш

·        Бетон зуурмаг


 Мөн багаж хэрэгслээ бэлтгэхээ бүү мартаарай.

·        Тэгш ус

·        Цахилгаан хөрөө

·        Дрилл

·        Зуурмаг холих сав

·        2.54 см урттай өрөмний хошуу

·        Будаг шүршигч

·        Метр


Алхам1. Савлуураа байршуулах газраа сонгож, баганын нүх ухах




Тохиромжтой байршлыг сонгох нь савлуураа амжилттай барих хамгийн эхний алхам. Гэрийнхээ ойролцоо сүүдэртэй, тэгш газрыг сонгоорой. Байршлыг шийдсэний дараа метрээр хэмжиж шүрших будаг ашиглан 3.6м зайтай хоёр тэмдэгтийг газар дээр тэмдэглэнэ. 


Шүршигч будгаар тэмдэглэсэн газартаа 30см орчим гүн  хоёр нүх ухна. 




Алхам 2. Савлуурын рам зангидах





Палкны төмөр тогтоогч ашиглан 6x6x12 хэмжээтэй модон палкаа 2 ширхэг 4x4x10 хэмжээтэй модон палктай П хэлбэр гарган холбоно. 

Дараа нь ган L хэлбэрийн буланг ашиглан 90 градусын өнцгөөр бэхлэнэ.




Алхам 3. Савлуурын рамыг нүхэнд суулгаж, бэхлэх

Бэлтгэсэн савлуурын рамаа ухсан нүхэндээ байршуулна. 

Рамаа суулгахдаа бат бэх, хөдөлгөөнгүй, тогтвортой байдлыг хангахаас гадна хэмжээ, тэгш байдлыг маш сайн шалгах хэрэгтэй.

Рамны тэгшийг хангах  зорилгоор 2х4 хэмжээтэй палкаар рамаа түр бэхлээд  төгсгөл хэсгийг газарт байрлуулна. Ингэхдээ дээд хэсгийн 4x4x10 хэмжээтэй модон палкыг ч мөн тэгш байлгахаа мартаж болохгүй.


Алхам 4. Нүхийг бетоноор дүүргэж, рамаа бэхлэх


Дараа нь бетон зуурмагаа бэлтгэж зуурна. Хүрз ашиглан рамны багана тус бүрийн эргэн тойроны нүхийг бетоноор дүүргэнэ. 

Цаг агаараас хамаарч зуны цагт бетоныг 24-48 цагийн турш хатаана. Бетоноо хатсаны дараа түр зуурын бэхэлгээгээ авна.

Алхам 5. Савлуурын суудлыг тогтоох нүхээ бэхлэх


Урт хэмжигч метр ашиглан 53см тутамд тэмдэглэж, цооног хэлбэрээр өрөмдөнө, дараа нь 18см төмөр дэгээг боолт, гайк ашиглан нүхэнд бооно. 



Алхам 6. “А” хэлбэрийн рам хийх


Зурагт харуулсантай адилаар 2х4 хэмжээтэй модон палкаар “A” хэлбэрийн рам хийж бэхэлнэ. Дараа нь будаг шүршигч ашиглан бүх модон гадаргууг өнгөлж суурь будгаар будаарай. Энэхүү А хэлбэрийн рамыг бий болгосноор таны савлуур илүү аюулгүй, найдвартай болно.

Алхам 7. Банзуудыг “А” хэлбэрийн раманд тааруулан тайрах


1х4 хэмжээтэй модон банзыг “А” хэлбэрийн рамд тэнцүүлэн барьж, харандаа ашиглан банзны ар талд өнцгийг тэмдэглэнэ.


Цахилгаан хөрөө ашиглан тэмдэглэсэн өнцгүүдээ тайрч авна. 

Алхам 8. Рамандаа бэлтгэсэн банзуудаа эгнүүлэн тогтоож бэхэлнэ.

Модны боолтыг ашиглан “А” хэлбэрийн рамны 2 талд банзуудаа эгнүүлэн холбож, хөндлөвч хоорондын  зайг  тэгш хэмтэй байхаар тогтооно. 


Алхам 9. Савлуураа бэхлэх, будах

Будаг шүршигч ашиглан “А” хэлбэрийн рамны бүх модон гадаргууг бэхэлж, суурь будгаар будна. Өөрийн хүссэн өнгийг сонгоод суурь будаг хатсаны дараа савлуураа бүхэлд нь будна.



Алхам 10. Савлуурын суудал хийх


2х6 хэмжээтэй харуулдсан 3 ширхэг банзыг 53 см урттай тайрч гурван суудлыг байрлуулаарай. Дөрвөн буланд нүх гарган өрөмдөж, дараа нь будгийн багс эсвэл мини өнхрүүш ашиглан гадна талыг будна.


Савлуурын суудал бүрийн нүхэнд төмөр дэгээ, бэхэлгээ хийнэ. Суудлын 4 өнцөгт гинжийг бэхлэнэ.



Ингээд орчин үеийн шийдэл бүхий өнгөлөг савлуур бэлэн болно. Та дээрх савлуурыг өөрийн хүсэлд нийцүүлэн өөрчлөн урлах бүрэн боломжтой. Мөн савлуур байрлаж байгаа хэсэгт элс дэвсэж өгвөл илүү тухтай байх болно. Танд амжилт хүсье.

СЭТГЭГДЭЛ БИЧИХ

АНХААРУУЛГА:
Уншигчдын бичсэн сэтгэгдэлд barilga.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ