Залуу гэр бүлд зориулсан 1700 айлын орон сууц баригдаж эхэллээ

Залуу гэр бүлд зориулсан 1700 айлын орон сууц баригдаж эхэллээ
Улаанбаатар хотын хэт төвлөрлийг сааруулах, дагуул хотуудыг хөгжүүлэх хүрээнд хотын захын таван байршилд шинэ суурьшлын бүсийг байгуулж, орон сууцжуулах хөтөлбөрийг хэрэгжүүлж байгаа билээ.  Энэ хүрээнд Хан-Уул дүүргийн 10 дугаар хороо Морингийн даваа орчмын бүсэд 10 мянган өрхийн орон сууц барих ажлын шав  /7 дугаарын сарын 31- нд/ тавигдлаа. 
Морингийн давааны шинэ суурьшлын бүсийн ерөнхий төлөвлөгөөгөөр 129 га талбайд 10 мянган өрхийн орон сууц, 4260 хүүхдийн  багтаамжтай сургууль, 2130 хүүхдийн цэцэрлэг, 450 ортой эмнэлэг, 8000 ажлын байрыг шинээр бий болгохоор төлөвлөжээ. Эхний ээлжид 43.3 га газарт 235 айлын таунхаус, 1700 өрхийн залуусын хороолол, 640 хүүхдийн суудалтай хоёр сургууль, хоёр өрхийн эмнэлэг, 240 хүүхдийн цэцэрлэгийн бүтээн байгуулалтын ажлыг эхлүүлээд байна. 
Дэд бүтцийн хөрөнгө оруулалт 100 хувь шийдвэрлэгдсэн байгаа бөгөөд эхний ээлжийн барилгажилтын ажилд 50 тэрбум төгрөг тусгажээ. Бүтээн байгуулалтын ажил дэд бүтэц, шугам хоолойн ажлуудыг энэ онд багтаан хийхээр төлөвлөсөн байна.
Энэхүү төслийн хүрээнд залуу гэр бүл, залуучуудад зориулсан орон сууцны энэ хөтөлбөрийг хэрэгжүүлж байна. 
Дашрамд дурьдахад, дараагийн суурьшлын бүсийг Налайх, Хонхор орчимд байгуулж, орон сууцны хөтөлбөрийг хэрэгжүүлэхээр төлөвлөн зураг төслийн ажлыг хийж байна.

СЭТГЭГДЭЛ БИЧИХ

АНХААРУУЛГА:
Уншигчдын бичсэн сэтгэгдэлд barilga.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ