Оффисын интерьерийн "макро ба микро" чиг хандлага

Оффисын интерьерийн "макро ба микро" чиг хандлага

Орчин үеийн оффисын дотоод засал чимэглэлийн чиг хандлага нь ажилчдын бүтээмж, бүтээлч байдал, хамтын ажиллагаа, эрүүл мэндийг дээшлүүлэхэд чиглэгддэг. Шилдэг ажилчдыг татах, хадгалах өрсөлдөөн улам бүр нэмэгдэхийн хэрээр ажлын байрны чанар нь аливаа компани, байгууллагын чухал хүчин зүйл болдог.

Оффисын интерьер дизайны чиг хандлага нь шинж чанараас хамааран цаг үедээ тохирон өөрчлөгдөн, шинэчлэгдэж байдаг бол зарим нь бүр мөсөн алга болж байдаг. Тиймээс интерьер дизайнерууд маргаашийн чиг хандлагыг ажигласнаар таны бизнес одоо хаана байгааг, ирээдүйд хаана хүрэхийг тодорхойлох боломжтой болгож өгдөг байна.

Хойд Америк дахь олон мянган томоохон ажил олгогч нартай хамтран ажилладаг “Амбиус” компанийн дизайны зөвлөхүүд 2020 оны оффис дизайны макро ба микро чиг хандлагуудыг тодорхойлон гаргажээ. 2020 он болон түүнээс цааших онуудад ажлын байр төлөвлөлтөд эдгээр чиг хандлага нь ирээдүйд шууд чухал нөлөө үзүүлэхээр байна.

Макро чиг хандлага

1.       Динамик уян хатан байдал

Энэ нь ямар ч орон зайд нийцүүлэн бүтээх боломжтой цоо шинэ үеийн хөдөлгөөнт, олон талт, хөнгөн, эргономик элементүүдийг агуулдаг ба орон зайг хамгийн олон байдлаар ашигладаг хэлбэр юм. Жишээлбэл, уулзалтын өрөөнөөс подкаст студи, нийтийн талбайгаас хувийн орон зайг бий болгох хөдөлгөөнт хана, хөнгөн тавилга, гэрэлтүүлгийн тохиргоо зэрэг нь ажилчдын өрөөг богино хугацаанд өөрчлөх боломжийг олгодог. Тухайн бизнесийн үйл ажиллагааны шаардлагад нийцүүлэн хувирч байгаа нь байгууллагын хурдац нэмэгдэхийн хэрээр олон талт динамик ажил сайн үр дүн үзүүлэх ач холбогдолтой юм. 




2.       Мод бол амьд байгаль

Мод нь илүү байгальд ойр бүтээгдэхүүн учир ажилчдыг органик сэдэл рүү чиглүүлж авьяасыг улам хөгжүүлэхийн тулд орчин үеийн оффисд ашиглаж байна. Угсармал мод, нарийн ширхэгт мод, модны хожуулаар хийсэн ширээ гэх зэрэг нь шинэ оффисын дизайны түгээмэл нэмэлт элементүүд болоод байна. Өөр нэг гол шинж чанар нь ажлын талбайн дуу чимээг бууруулдаг ба архитектурын хэв шинж оруулахад сэтгэл татам харагдуулдаг.



Микро чиг хандлага

1.       Жигд өнгийн илэрхийлэл


Нэг өнгийн олон тон \нэг өнгөний олон хувилбар\ агуулсан схемийг Оксфордын их сургуулийн толь бичигт моно хроматик (monochromatic) гэж тодорхойлжээ. Нэг өнгөний олон тон нэг ханан дээр байрлах нь тансаг хэрнээ жигд эмх цэгцтэй харагддаг. Энэ чиг хандлагыг ихэвчлэн матт гадаргуу, чулуун эдлэл, ургамал зэрэгт гэрлийн тусламжтайгаар төгс харагдуулж болдог байна.



2.       Гэртээ мэт ажлын байр


Ажил дээрээ байгаа ч гэртээ байгаа мэт гал тогооны тавилга, буйдан, дэр, хивс, цэцгийн сав энэ бол таны оффисын шинэ өнгө төрх. Оффис дотор ихэнх цагаа өнгөрөөдөг ажилчдын хувьд гэр шиг нь тохь тухтай, илүү таатай орчинг бүрдүүлж өгснөөр ажилчдыг нэгтгэж, тэдний сэтгэл ханамж өндөрсөн, ажлын бүтээмж нэмэгдэж, компанийн үр ашиг хоёр дахин өсдөг.



СЭТГЭГДЭЛ БИЧИХ

АНХААРУУЛГА:
Уншигчдын бичсэн сэтгэгдэлд barilga.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ