“Barilga Expo -2020” олон улсын цахим үзэсгэлэн эхэллээ

“Barilga Expo -2020” олон улсын цахим үзэсгэлэн эхэллээ
Барилгын салбарын бүтээн байгуулалт, шинэ техник технологийг олон нийтэд танилцуулдаг, хамгийн олон оролцогч, үзэгчидтэй  “BARILGA EXPO 2020” олон улсын барилгын үзэсгэлэн нь энэ жил “Цахим хувьсгалд хамтдаа” уриан дор цахим хэлбэрээр зохион байгуулагдаж байгаа бөгөөд өнөөдөр нээлтээ хийлээ. 

Цахим үзэсгэлэнгийн нээлтэд Барилга Хот Байгуулалтын Сайд Х.Баделхан, Монголын барилгын Үндэсний Ассоциацын Ерөнхийлөгч Д.Цэрэнжигмэд, “Барилга экспо 2020” цахим үзэсгэлэнгийн зохион байгуулах хорооны дарга Г.Батсүх, үзэсгэлэнгийн ивээн тэтгэгч “Юмэко” ХХК-ийн гүйцэтгэх захирал З.Гантулга нар цахимаар холбогдож мэндчилгээ дэвшүүллээ. 

Тус үзэсгэлэн  5 дугаар сарын 25-29-ний хооронд 5 өдрийн турш үргэлжлэх бөгөөд оролцогч байгууллагуудын цахим талбай www.barilgaexpo.mn вэб сайтад эрэмбэлсэн ангилалын дагуу байршиж,  барилгын материалын ханган нийлүүлэгч, үйлдвэрлэгч, орон сууц үл хөдлөх хөрөнгийн төсөл хэрэгжүүлэгч, архитектур зураг төсөл зохиогч, дэвшилтэт технологи нэвтрүүлэгчид өөрсдийн бүтээгдэхүүн үйлчилгээ, орон сууцны төслүүдээ танилцуулж байна. 

Үзэсгэлэнгийн үеэр мэргэжлийн студийн баг ажиллаж байгаа бөгөөд барилгын салбартай холбоотой илтгэл, хэлэлцүүлэг, вебинар сургалт, мэтгэлцээн болон оролцогчдын бүтээгдэхүүн үйлчилгээ, зөвлөгөө видео, Live-ыг мэргэжлийн хөтлөгч, хөтөлбөрийн дагуу barilga.mn пэйжээр шууд дамжуулан та бүхэнд хүргэж байна. 

Өнөөдөр болох чухал хөтөлбөрөөс онцолбол, 11:30 минутад Barilga.mn FB пэйжээр “Хүнд ээлтэй хот байгуулалт” сэдэвт хэлэлцүүлэг 



14 цагт барилгын гол түүхий эд болох цемент хомсдож, үнэ 2 дахин нэмэгдсэнтэй холбоотойгоор “Цемент бол барилгын талх” сэдвийн хүрээнд хэлэлцүүлэг тус тус болно 



Эхний өдрийн дэлгэрэнгүйг хөтөлбөртэй танилц 



Онцгой хямдрал урамшуулал таныг хүлээж байна

“Barilga Expo-2020” цахим үзэсгэлэнгийн өдрүүдэд оролцогч байгууллагууд үзэгч, хэрэглэгчиддээ зориулан ОНЦГОЙ ХЯМДРАЛ, УРАМШУУЛАЛыг зарлаж байна. Энэ жилийн “супер азтан” цахим үзэсгэлэнгийн ивээн тэтгэгч “Юмэко” ХХК - ийн гал тогооны иж бүрэн тавилгыг хожих боломж бүрдэж байгаа. Мөн үзэгч, хэрэглэгчид та бүхэн www.barilgaexpo.mn байрлаж байгаа оролцогч байгууллагуудын цахим талбайгаар зочилж, худалдан авалт хийхдээ дараах хөнгөлөлтүүдийг эдлээрэй. 

Супер хонжвор: “UMECO” LLC гал тогооны иж бүрэн тавилга

IRIS residence 5 өрөө байр авсан эхний таван худалдан авагч бүрт авто зогсоол бэлэглэнэ

“Сэд дэвжих” ХХК :  “Smart town 2” орон сууцны худалдан авалтдаа 50% хувь 2,200,000-с 1,090,000 төгрөг болно 

"Рийл пропертиз Улаанбаатар" ХХК: Үзэсгэлэнгийн 3 хоногийн хугацаанд "Санто смарт хотхон" орон сууцны захиалгын гэрээ хийсэн тохиолдолд үнийн дүнгээс 10% хөнгөлөлт, авто зогсоолын үнэ 5 сая төгрөгөөр хямдрана. 

“Алтай Констракшн” ХХК: “Саруул хороолол” шинэ орон сууцдаа урьдчилгаанаас хамааран 20 хүртэлх хувийн хямдрал

Барилгачин Групп ХХК: Орос өнгөлгөөний тоосгонд-10%, МАК-ийн евро блок-5%, хуурай хольц -5%, EPSхөөсөнцөр-3%, XPS хөөсөнцөр -3% тус тус хямдралтай

“Мэнх Толгой” ХХК: Гараашийн автомат хаалга, Цонхны хаалт, Зогсоолын автомат хаалт, Галын төмөр, хаалга зэрэг бүтээгдэхүүн худалдан авалтад 10%  хүртэлх хямдрал 

“Делта Элеватор” ХХК: Бүх лифтэндээ 10% хөнгөлөлт үзүүлж, худалдан авалт хийсэн тохиолдолд 1 жилийн засвар үйлчилгээг үнэгүй хийх

“Blue Style” LLC: Итали плита, Канад модон шал, Хонконг гэрэл , hoonor wood PVC-модон шал гэх мэт бэлэн байгаа бүтээгдэхүүндээ 10% хямдрал 

“Реновайт Эй Би Би Эс” ХХК: Дотоод заслын угсардаг дрож, хөндий шал акустик хавтан 10% хямдрал

“Минж занд” ХХК: Шалны цахилгаан халаалт- Солонгос, Слайдинг- Вакум цонх хэмжээнээс шалтгаалан 10% хүртэлх хямдрал гэх мэт олон, хямдрал урамшуулал та бүхнийг хүлээж байна. 


Цахим үзэсгэлэн гэдэг та бидний хувьд шинэ зүйл. Гэхдээ шинэ зүйл үргэлж сонирхолтой дараагийн алхам руу шилжих, дээш хөгжин, дэвшихийн эхлэл байдаг. Барилга бүтээн байгуулалтын салбарт үйл ажиллагаа явуулж байгаа аж ахуйн нэгж байгууллага, үзэгч, хэрэглэгч та бүхнийг орчин үеийн технологийн дэвшлийг ашиглан цахим хэлбэрээр зохион байгуулагдаж байгаа “BARILGA EXPO 2020” олон улсын барилгын цахим үзэсгэлэнд идэвхтэй оролцохыг урьж байна. 





Ерөнхий зохион байгуулагч: Барилга МН 

Хамтран зохион байгуулагч: БХБЯам, БХТөв,  МБҮАссоциаци, МБМҮХолбоо,

Ивээн тэтгэгч: “Юмэко” ХХК 

СЭТГЭГДЭЛ БИЧИХ

АНХААРУУЛГА:
Уншигчдын бичсэн сэтгэгдэлд barilga.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ