“Хүнд ээлтэй хот байгуулалт” сэдэвт хэлэлцүүлэг болно

“Хүнд ээлтэй хот байгуулалт” сэдэвт хэлэлцүүлэг болно


  "BARILGA EXPO 2020" цахим үзэсгэлэнгийн хүрээнд эхний өдөр буюу 5-р сарын 25-ны өдөр 11 цагаас “ХҮНД ЭЭЛТЭЙ ХОТ БАЙГУУЛАЛТ” сэдэвт хэлэлцүүлэг  болно.  

   Хот байгуулалт гэдэг нь хот төлөвлөлт хөрөнгө оруулалт, удирдлага, зохион байгуулалт, хэрэгжүүлэлт, хяналт гээд бүх зүйлийг хамардаг. Хот байгуулалтын хуулинд “Хот байгуулалтын хөгжлийн суурь бодлого нь Монгол хүн амын нутагшил суурьшлын ерөнхий төсөл байна” гэж заасан байдаг.

   Улаанбаатар хотыг сүүлийн ерөнхий төлөвлөгөөгөөр 2020 он гэхэд 1 сая хүнтэй байхаар төлөвлөсөнч хөдөөгийн суурингуудаас хүмүүс ирсэнээс урьдчилан тооцож, төлөвлөж байснаас хэтэрч одоо 1,5 сая хүнтэй болоод байна.            

   Үүнээс шалтгаалаад хотын дэд бүтцийн ачааллын даац хэтэрч, агаар хөрсний бохирдол урьдчилан тооцоолж байснаас их болж, энэ нь тухайн цаг үеийн хамгийн том асуудал болсон.  Нөгөө талд буюу хөдөө орон нутгийн сууринг хөгжүүлэх бодлого хөшүүрэг хангалтгүй, төлөвлөлтийн  хэрэгжилт муу байгаагаас тэнд ажлын байр хомсдож ядууралд орж, хүмүүсийн амьдралын нөхцөл муудсанаас аргагүйн эрхэнд хотруу нүүн ирж, хотын ачааллыг нэмэгдүүлэх, улмаар хөдөөгийн суурингууд эзгүйрч хоцрогдож байна.      

    Тиймээс хот төлөвлөлтийг нийт нутгаа хамруулж, хооронд нь уялдуулан цогцоор нь анхаарч хөгжүүлэх нь  чухал гэдгийг мэргэжлийн олон хүмүүс  ярьж байгаа билээ.


   Энэ талаарх сэдвийн хүрээнд хэлэлцүүлэгт Модератор: Г.Батсүх, БХБЯ-ны Хот байгуулалт, газрын харилцааны бодлогын хэрэгжилтийг зохицуулах газрын дарга Б.Гүнболд, МБҮА-ийн дэд ерөнхийлөгч Д.Цэнд, “Эй Эй Пи Групп” ХХК-ийн гүйцэтгэх захирал М.Уянга, Хотын стандарт, орчны аюулгүй байдлын хяналт, зохицуулалтын газрын Бодлого төлөвлөлтийн хэлтсийн дарга Б.Од-Эрдэнэ нар оролцох болно.


Хэлэлцүүлэг 5.25-ны өдөр 11 цагт Barilga.mn FB хуудсаар дамжуулан шууд LIVE-р явагдах болно. 

Экспогийн илүү дэлгэрэнгүйг www.barilgaexpo.mn сайтаас...


Холбоотой мэдээ