“Барилгын маркетинг” нээлттэй цахим сургалт болно

“Барилгын маркетинг”  нээлттэй цахим сургалт болно

Дэлхийн эдийн засгийн форумаас гаргасан судалгаагаар Ковид - 19 цар тахлын үед ихэнх хүмүүс онлайн худалдаа, видео гэх мэт  сошиал, интернэт орчныг ашиглаж, цахим сургалт, семинарт хамрагдаж байгаа юм. Мөн компаниудын өдөр тутмын үйл ажиллагаанууд онлайн орчинд шилжиж, дэлхий нийт цахим харилцааны шинэ эрин үед шилжиж байна.  

Тиймээс энэ цаг үед барилгын салбарынхан дижитал хэлбэрээр сошиал медиа маркетинг хийхнь борлуулалтаа нэмэгдүүлэх хамгийн зөв арга замуудын нэг болж байна. Иймд барилгын салбарын аж ахуйн нэгж, байгууллагуудын хамтын ажиллагааг дэмжиж, худалдааг идэвхжүүлэн үндсэн талбар болон ажилладаг Барилга МН -ны зүгээс маркетингийн цуврал сургалтыг онлайнаар хүргэх гэж байна. 

Эхний сургалт 5-р сарын 20-нд 10:00 цагаас Barilga.mn пэйж хуудсаараа дамжуулан шууд LIVE хэлбэрээр зохион байгуулагдах бөгөөд барилга угсралт, зураг төсөл зохиогч ААНБ- уудад зориулсан маркетингийн талаар "Барилга МН" - ны ерөнхий захирал Г.Батсүх зөвлөгөө мэдээллийг хүргэх болно. 

Барилга угсралт болон зураг төсөл зохиогч аж ахуйн нэгж, байгууллагууд, бизнес эрхлэгч та бүхэн байгууллагынхаа маркетингийг хэрхэн хийхээ мэдэхгүй байгаа бол үнэ төлбөргүй явагдах тус онлайн сургалтаас хэрэгтэй зөвлөгөө мэдээллээ шууд холбогдон асуух боломжтой боллоо.  



СЭТГЭГДЭЛ БИЧИХ

АНХААРУУЛГА:
Уншигчдын бичсэн сэтгэгдэлд barilga.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ