Вакуум цонхыг өвлийн горимд шилжүүлэх болон нэмэлт дулаалга хийх

Барилга  Эм Эн Барилга  Эм Эн
2020-02-07
Вакуум цонхыг өвлийн горимд шилжүүлэх болон нэмэлт дулаалга хийх
Байшингийн дулаалга мөн ямар төрлийн сууц гэдгээсээ шалтгаалан өөр өөр байна. Мэдээж барилга байгууламжаа барихаас өмнө дулаалгын материалаа зөв сонгоод анхнаасаа дулааны алдагдал багатай байшинд амьдарвал сайн хэрэг ч нэгэнт танай  барилга дулааны алдагдал ихтэй бол нэмэлт дулаалга хийхээс өөр сонголт үгүй юм. Гадаа хасах хэм хүртэл хүйтэрсэн тохиолдолд барилгын гадна дулаалга хийх бололцоо бага. Иймд дотроосоо дулаалахаас өөр сонголт үлдэхгүй нь.  Дулаан алдаж байгааг хэрхэн мэдэх вэ? Таны амьдарч байгаа байшин, орон сууцны цонх болон хаалга, хана хөлөрч байвал дулаан алдагдаж байна гэж оношилж болно. Ингээд танд хэрэг болох дараах хэдэн зөвлөгөөг хүргэж байна. 

1. Силиконоор дулаалах

 
Эхлээд цонхны дотоод гадаргууг (шил болон рамны цагаан пластик, цонхны тавцан, хана цонхны булангууд) сайн угааж цэвэрлээд хатаана. Тэгээд дахиад спирт, ацетон эсвэл растворителээр арчаад хатаана. Энийг хийхгүй бол дараа нь хийсэн ямарч төрлийн дулаалга удаан тогтохгүй тул их чухал шүү. Бас нэг чухал зүйл бол дулаалгыг өдрийн 2-3 цаг буюу хамгийн дулаан үед хийх хэрэгтэй.
Цонхны рам хана цонхны булангуудын зай завсруудыг дулаалахад хэрэглэгдэх зүйлүүд бол хөвөн поролон гэх мэтийн завсрууд руу чихэж болох зүйлүүд. Гол дулаалгын материал бол силикон герметик. Цагаан өнгөтөй нь илүү үзэмжтэй, харин хятад солонгос герман энэ тэр нь нээх чухал биш. Дээр нь шахдаг нэг энгийн буу хэрэгтэй. 

Аль ч барилгын материалын дэлгүүрт байдаг
 
Одоо сийгэж байгаа бүх завсар руу ялангуяа томууд руу нь эхлээд сайн хөвөн поролон энэ тэрээ чихнээ. Дараа нь булан, рам, тавцан, шил резин хооронд хүрж байвал гадна талын завсарууд руу силиконоо хайрлахгуй шахна. Сийгэж байгаа, сийгэж болох, сийгэж магадгүй, сийгэж байгаа юм шиг санагдаад байгаа бүх л газар руу шахах хэрэгтэй.
 

Нэгэн жигд шахвал үзэмжтэй цэвэрхэн харагдана
 

2. Вакуум цонхны цоожийг ӨВЛИЙН горимд шилжүүлэх


Завсаруудыг бөглөсний дараа онгойдог цонхнууд ба балконы хаалгандаа тохиргоо хийнээ.

Хаалга порчикийг онгойлогоход түгжээний төмөр тэмдэгтэй байгаа тэрийг гэр рүүгээ чиглүүлвэл өвлийн горимд шилжиж илүү сайн хаагдана харин гадагшаа чиглүүлж тохируулбал зуны горим буюу бага зэргийн завсартай хаагдана. Энэ хоёр горимын ялгаа нь ойролцоогоор 1мм байна. Гайгүй чанартай вакуум цонхон дээр түлхүүргүй зүгээр гараараа татаж эргүүлж тохируулна. Чанар муутай хэдэн жил болсон дээр харин яаж ч эргүүлээд ч нэмэргүй, заавал тусгай түлхүүрээр эгрүүлэх хэрэгтэй болно. Хэлбэр янз бүр байж болно зарчимын хувьд зузаан тал нь дотогшоо харж байж өвлийн горимоор буюу илүү шахалттай хаагдана.




Ихэнх цонхнууд үйлдвэрээс гарахдаа зарим нь зуных зарим нь өвлийнх зарим нь голдоо тохируулчихсан байдаг, иймээс зуны байрлалтай хэсгүүдээр сийгэлтийг багасгахын тулд өвлийн горимд шилжүүлэх хэрэгтэй. Энэ тохиргоог хийсэн тохиолдолд танай цонхны зай завсар багасч дулаан алдагдал багасах боломжтой.



3. Дулаан нэвтрүүлдэггүй хальсаар дулаалах


Энэ төрлийн дулаалгын хувьд хүмүүс янз бүрийн хальсан скотч, гялгар уутаар цонхоо битүү нааж харагддаг. Сүүлийн үед харин зориулалтын хальс болон хоёр талдаа наалддаг скотчтой энэ тэнд зарж байна гэж дуулддаг ч өөрийн биеэр авж хэрэглэж үзээгүй тул Google-д байгаа заавруудаас хуваалцъя. Зориулалтын биш хальс байсан ч зааврын дагуу наахад үр дүн нь арай дээр байх болов уу.


Юуны дээр дурдсаны дагуу өмнө цонхоо савантай ус дараа нь спиртийн төрлийн шингэнээр маш сайн цэвэрлэх хэрэгтэй хальсаа наасны дараа хэдэн сар угаах боломжгүй болно. 
 
Хатаасны дараа хоёр талт скотчийг рамны дагуу наана
Дараа нь хальсаа хэмжээ авч хайчаар тайраад скотчны наад талын цавууны хамгаалалтыг авч наана.
 
Тенээр хальс руугаа халуунаар үлээнэ
 
Үүний үр дүнд хальс цонхны рам болон шилэнд наалдаж хажуунаас ямарч юм наасан гэж мэдэгдэхүй болно. Фенийн хувьд зүгээр үсний тен ч байж болно.
Хальс нааснаар 3-с 5 градусар илүү дулаан болно гэж баталгаа бичсэн байгаа ч бодитоор 1-2 градусаар л дулаан нэмэгддэг гэж хэрэглэгч нар бичжээ.Хальсны хувьд зориулалтын хальс олдохгүй бол хүнсний скотч шиг тунгалагдуу гялгар уут бас машины цонхны хамгийн хямд бууралтгуй тен хэрэглэж байгаа хүмүүс ч байна. Гол нь цонхны шилийн зузаан л хагас мм нэмэгдэх чухал юм шиг санагдалаа.
Силиконоор дулаалаад дээр нь хальс наахад нийтдээ 2-5 градусаар гэрийнхээ температурыг нэмэх бодит бөгөөд хялбар хямдхан боломж байна. Их бага сонсогдож байж магадгуй ч дундаж температурыг 3 градусаар нэмэхэд амьдрал дээр ноосон цамц өмсөх путболктай даарахгүй байх хоёрын ялгаа юм.

Холбоотой мэдээ