4,000,000₮ -ийн шагналын сантай Архитектурын гэрэл зургийн уралдаан зарлагдлаа
"ЭН ЭЙ ПИ ГРУПП" (www.nap-group.com) Барилга архитектурын үнэ цэнийг олон нийтэд таниулан хүргэх зорилгынхоо хүрээнд Улаанбаатар хотын Архитектурын үнэт өв болсон барилгууд, орчин үеийн шийдэл бүхий архитектурын бүтээлүүдийг буулгах гэрэл зургийн уралдааныг "CANON Mongolia", Монголын Барилгын Зураг Төсөл Зохиогчдын Холбоо, Монголын Барилгын Үндэсний Ассоциаци, "Татах Хүч" ХХК, "Интеллект Тауэр" ХХК, "Барилга.МН" -тэй хамтран зохион байгуулж байна.
УДИРДАМЖ
ЗОРИЛГО
Улаанбаатар хотын Архитектурын үнэт өв болсон барилгууд төдийгүй орчин үеийн шийдэл бүхий Архитектурын бүтээлүүдийг энэ цаг хугацаанд нь мөнхөлж, буурал он цаг үл элээх гэрэл зургийн сан хөмрөгтэй болох, Барилга архитектурын үнэ цэнийг олон нийтэд таниулах, түүний тухай ойлголтыг нийтэд хүргэх түүгээр Жил бүр уламжлал болгон үзэсгэлэн зохион байгуулах зорилготой.
СЭДЭВ
Оролцогчид “LIGHT FROM THE SHADE” гэсэн сэдвийн дор Улаанбаатар хотод сүндэрлэн буй Архитектурын үнэт өв болон орчин үеийн архитектурын бүтээлүүдийн гэрэл зураг болон гэрэл зургийн коллаж-аар өрсөлдөнө.
ШАЛГАРУУЛАЛТ:
1-3 хүртэл шагналт байр эзлүүлэх ба 1 тусгай байр эзлүүлнэ.
Шагналын сан: 4,000,000₮
Шалгаруулалт: 2018 оны 09-р сарын 06-ны өдөр “BLUE MON TOWER” – ийн “BLUE MOON ART GALLERY” –д явагдана.
Уралдаанд оролцож буй бүтээл нь 2018 оны 09-р сарын 06-ний өдрөөс 2018 оны 09-р сарын 12-ний өдрийг хүртэл “BLUE MOON ART GALLERY”-д тавигдана.
ХЭН ОРОЛЦОХ
Мэргэжлийн гэрэл зурагчид, архитекторууд, дизайнерууд, архитектурын чиглэлээр суралцаж буй оюутнууд болон гэрэл зураг сонирхогч хэн бүхэн.
ХЭРХЭН ОРОЛЦОХ
- Өөрсдийн сонирхол, хүсэл эрмэлзэл, авьяас, ур чадвараараа ганцаарчилсан болон баг бүрдүүлэн оролцож болно;
- 2018 оны 08-р сарын 20 - 2018 оны 09-р сарын 3-ны өдөр хүртэл www.canonmongolia.mn сайтад бүртгүүлж тухайн сайтын уралдааны журамтай танилцаж тус журмын дагуу өөрсдийн бүтээлүүдээ явуулна уу;
- Тухайн барилгын архитектурын онцлог шинж, донж зохицол, хэв маягийг тодруулан харуулсан байх;
- Барилгын онцлог шинж, деталиудыг тухайлан авч коллаж бэлтгэн оролцож болно;
ШАЛГАРУУЛАЛТАД ОНЦЛОХ ЗҮЙЛ:
- Архитектурын гэрэл зургийн өнгө аяс, хэм хэмжээ, стандартад нийцсэн бүтээл байх.
- Архитектур нь түүхэн цаг үеийн сийлбэр ба хүрээлэн буй орчин хийгээд хүний эргономик, тухайн цаг үеийн хэрэгцээ тэдгээрийн шаардлагад дүн шинжилгээ хийснээр үр дүнтэй, хэрэгцээтэй шийдэлд хүрч орон зай, уур амьсгалыг бүрдүүлэгч хүчин зүйл мөн гэдгийг тодруулан харуулах.
ШАЛГАРУУЛАХ КОМИСС:
5 хүний бүрэлдэхүүнтэй мэргэжлийн баг байна.
БҮТЭЭЛД ТАВИГДАХ НИЙТЛЭГ ШААРДЛАГА:
- Бүтээл нь уралдааны хүрээнд нийцсэн сэдэвтэй байх;
- Бүтээл нь тухайн оролцогчийн өөрийн өмч байх; (Бусдын бүтээл ашигласан тохиолдолд уралдаанаас хасахыг анхаарна уу)
- Бүтээл нь архи, тамхи, садар самуун сурталчилсан утга, агуулгагүй байх
- Хувь хүний нэр хүнд, хувийн нууцтай холбоотой хууль зөрчсөн бүтээлийг хүлээн авахгүй;
- Гэрэл зургийн өөр урсгал чиглэлийн бүтээлийг тэмцээнд оролцуулах боломжгүй;
ХОЛБОО БАРИХ:
Улаанбаатар хот, Сүхбаатар дүүрэг, Сүхбаатарын гудамж, 11-р хороо, “Метро бизнес төв”, 11-р давхар, 1107 тоот, “ЭН ЭЙ ПИ ГРУПП” ХХК
Утас: 11-311-802
Фэйсбүүк хаяг: https://www.facebook.com/events/469399210223932/
Утас: 11-311-802
Фэйсбүүк хаяг: https://www.facebook.com/events/469399210223932/