“Барилгаас үүсэх хог хаягдал ба түүнийг дахин ашиглах нь” сургалтанд урьж байна

“Барилгаас үүсэх хог хаягдал ба түүнийг дахин ашиглах нь” сургалтанд урьж байна
Каритас Чех Репаблик байгууллага нь Нидерландын Дельфтийн Технологийн Их сургууль, Монгол Улсын Шинжлэх Ухаан Технологийн Их сургууль, Монголын Хог Хаягдал Дахин Боловсруулах Үндэсний Холбоотой хамтран, Европын Холбоо, Чехийн Хөгжлийн Агентлагийн санхүүжилттэйгээр “Монгол улсын барилгын салбарын нөөцийн үр ашигтай байдал, цэвэр үйлдвэрлэлийг дэмжих төсөл”-ийг хэрэгжүүлж байна.
Энэхүү төслийн хүрээнд барилгын салбарт үйл ажиллагаа явуулж буй жижиг, дунд үйлдвэрлэл эрхлэгчдэд зориулан барилгын хог хаягдал, хуучин барилгын ухаалаг буулгалт, буулгалтаас үүссэн хаягдлыг дахин боловсруулах аргын талаар онолын болон практик мэдлэг олгох, цаашид барилгын салбарын нөөцийн үр ашигтай байдал болон тогтвортой цэвэр үйлдвэрлэл, хэрэглээг үйл ажиллагаандаа нэвтрүүлэн хэрэгжүүлэхэд дэмжих, энэ чиглэлийн сүүлийн үеийн технологийн талаар танилцуулах чадавхи олгох сургалтыг 2018 оны 11-12 дугаар саруудад зохион байгуулах гэж байна.
Сургалтыг Нидерланд улсын Дельфтийн Технологийн Их Сургуульд туршлага судалж, энэ чиглэлээр сургагдсан мэргэжлийн сургагч багш нар удирдах ба ШУТИС дээр зохион байгуулагдана. Сургалт нь үнэ төлбөргүй.
Та бүхнийг бидэнтэй хамтран ажиллаж, өөрийн байгууллагын төлөөллийг  тус сургалтанд хамруулахыг хүсье.
 
Сургалтын талаарх дэлгэрэнгүй мэдээллийг 70135899, 99155707, 80088440, 9002058 утсаар лавлана уу.
Каритас Чех Репаблик-Монгол
 
                                               
     



 

 

Холбоотой мэдээ