"Барилга МН" сэтгүүл №130


Алдаа мэдээлэх

Зохиогч: Барилга МН
ISBN:
Үнэгүй
Унших

Товч тайлбар

Барилгын салбарын мэдээ мэдээлэл, ярилцлага, нийтлэл, төрөл бүрийн судалгаа болон бусад мэдээллийг 11 жилийн турш салбарынханд сар бүр тогтмол хүргэж буй Барилга МН сэтгүүлийн 130 дахь дугаар хэвлэгдэн гарч, уншигч танд очиход бэлэн боллоо.  


Энэ дугаарын нүүр хуудсанд "Халаалтын чиглэлийг бүрэн автоматжуулж хэрэглэгчийг хямд, баталгаатай тоног төхөөрөмжөөр хангах, шинэлэг инноваци хэрэгжүүлэгч байж, төвлөрсөн системээс хамааралгүй стандарт болон системийг бий болгох зорилготой" Универсум ХХК хамтран ажиллаа.  


130 дахь дугаарын онцлох булангууд...


VIP ярилцлага: Энэ удаагийн зочноор дулаан хангамжийн салбартаа 15 жил тогтвортойгоор хувь нэмрээ оруулан ажиллаж, энэ хугацаанд Дулаан хангамж, агаар сэлгэлтийн мэргэшсэн инженерийн зэрэг 3 удаа хамгаалан, Зөвлөх инженерийн сургалтад одоо суралцаж буй “Универсум” ХХК-ийн захирал Т.Бээлбаатарыг урин ярилцлаа. “Тэргүүний барилгачин” цол тэмдэгтэн тэрээр суралцахаас хэзээ ч ичиж болохгүй гэсэн зарчимтай нэгэн.

Нийтлэл: Барилгын компаниудад маркетингийн талаарх бүрэн ойлголт хомс байдаг тул энэ удаад барилгын материалын худалдаа, үйлдвэрлэгч нарт зориулсан “Барилгын маркетинг”-ийн талаарх нийтлэлийг хүргэж байна. 


Мэргэжилтний үг: Улаанбаатар болон дэлхийн олон хотын тулгамдсан асуудлуудын нэг бол барилгажих талбайн нягтрал, хомстолтой холбоотой хязгаарлагдмал зай талбайд төрөл бүрийн барилга байгууламж барихад тулгардаг буурь суурь ба геотехникийн шийдлийг  хөрсний инженер геологийн нөхцөлтэй уялдуулан оновчтой гаргаж зураг төсөл боловсруулах, барьж байгуулах шаардлага тулгарч байгаа талаарх нийтлэлийг энэхүү булангаараа хүргэж байна. 


Барилгачны алдар: Бүхий л насаараа эзэмшсэн мэргэжлээрээ ажиллаж, хамт олон төдийгүй барилгын салбартаа түүхийг бүтээж буй энгийн хирнээ эгэлгүй нэгэн “Барилгачны алдар” - ыг “Барилга МН” сэтгүүлээрээ дамжуулан хүргэдэг билээ. 


Үл хөдлөх хөрөнгө:  Нүүдэлчин соёл иргэншлээс сууринд шилжээд, ардчилсан хувьсгалын дүнд хувийн өмч үүсээд удаагүй бидний Улаанбаатарчуудын олонхийн хувьд алдаа оноогүй үл хөдлөх хөрөнгө /ҮХХ/ худалдан авч, үрж зараад байсан туршлага нь маруухан.


Үүнээс шалтгаалаад ч юм уу дийлэнх айлууд 3 ба түүнээс дээш бууриа сэлгэсэн байх юм. Энэ нь ҮХХ худалдан авалт хийх сонголтоо гаргахдаа илүү нарийн зүйлсийг анхаарч үзээгүй.

Ингээд ҮХХ худалдан авахдаа анхаарч үзэх ёстой хүчин 9 зүйлийг ҮЛ ХӨДЛӨХ ХӨРӨНГӨ булангаас уншаарай...


Амины орон сууц: Бидний мэдэх “сайн дурын барилгачид” хамгийн түрүүнд нэг байшингийн зураг олоод авчихсан, энэ хэд орчим болох вэ? гэж эхэлдэг. Танил дүр зураг байгаа биз? Гэвч тэдний асуултад хариулт өгөх хүн байхгүйгээс гадна хэрэв байлаа гэж бодоход ямар ч хамаагүй аргаар хүний байшин барьж өгнө гэж хэлээд дунд нь үнээ нэмээд зогсоочихдог бүтэл муутай хүмүүсийн өгөөш болоод л өнгөрдөг. Тэгвэл үнэхээр амины сууц барих ажил юунаас эхлэх вэ?

Амины сууцтай болохоор төлөвлөж байгаа хүн бүрд хэрэгтэй зөвлөгөөг АМИНЫ ОРОН СУУЦ булангаас дэлгэрэнгүй уншиж танилцаарай.


Та чадна: Бид барилгын салбарын мэргэжилтэн биш ч өөрсдөө хийж бүтээх боломжтой зүйлүүдийг энэхүү булангаараа дамжуулан энгийн иргэдэд зориулан хүргэдэг билээ. Энэ удаад урин дулаан цаг ирж байгаатай холбогдуулан “Мах шарагчтай зуны гал тогоо”-той болох зөвлөгөөг танилцуулж байна. 

Хэрвээ та “Мах шарагчтай зуны гал тогоо”-той болохоор төлөвлөж байгаа бол энэхүү зөвлөгөөг ТА ЧАДНА булангаас заавал уншаарай. 

Эдгээрээс гадна Мэргэжилтний санал, Мэдлэгт нэмэр, Аюулгүй ажиллагаа, Шинэ материал, Мэргэжлийн зөвлөгөө, Интерьер, Шинэ орон сууц болон Материалын үнэ ханш гэх зэрэг мэдээллүүд багтсан байна.

Захиалах бол ЭНД дарна уу

Утас: 9100-0233, 7711-3333

СЭТГЭГДЭЛ БИЧИХ

АНХААРУУЛГА:
Та системд нэвтэрч орсоноор сэтгэгдэл бичих болон үнэлгээ өгөх боломжтой болно. Та нэвтрэх бол энд дарна уу.