Барилгын салбарын төв хэвлэл болох Барилга МН сэтгүүлийн №142 хэвлэгдэн гарч захиалагч та бүхэнд хүргэгдэн очиход бэлэн боллоо. 

Энэ сарын дугаарын нүүр хуудсанд “Говь цамхаг” ХХК хамтран ажилласан бөгөөд  тус компани нь Өмнөговь аймагт байгуулагдаж, 2022 онд 10 жилийн ойтойгоо золгож буй. Хоёр ажилтантай эхэлж байсан компани эдүгээ 100 гаруй хүнийг ажлын байраар хангаж, олон улсын стандартын дагуу бетон зуурмаг үйлдвэрлэн, Өмнийн говийн бүтээн байгуулалтад гар бие оролцож байна. 

VIP ярилцлага: Энэ удаагийн ярилцлагаараа Expert’N зөвлөх үйлчилгээний компанийн үүсгэн байгуулагч,  Victory Global Group ТУЗ-ын гишүүн, Уужим Од Констракшн зөвлөх, Гурван Бухат Групп ТУЗ-ын гишүүн, Наадам Дэнж Констракшн зөвлөх Б.Наранжаргалыг онцлон урилаа. 

Монгол уран бүтээлч: Монголын олон чадварлаг архитекторуудын оюун ухаан, ур чадвараар Улаанбаатарын өнгө төрхийг тодорхойлох сайхан барилгууд сүндэрлэдэг. Архитектор хүн гэдэг урлаг, техник хоёрыг хослуулдаг учраас “уран бүтээгч” хэмээн хэлж болох юм. Тиймээс Монголын сор болсон архитекторуудыг, онцлох бүтээлтэй нь хамт “Монгол уран бүтээлч” булангаараа танилцуулдаг билээ. 

Амины орон сууц: Бид түрүүчийн дугааруудад бид эрчим хүчийг яагаад хэмнэх ёстой болон түүнийг мэргэжлийн багаж ашиглалгүйгээр өөрийн биеэр тодорхойлох боломж мөн эрчим хүчний алдагдал буюу дулааны энергийн алдагдал, түүний төрөл, голлох шалтгааны талаар ерөнхий ойлголттой болсон.

Мэргэжилтний үг: Өдгөө олон улсад нано материалыг хэрэглээний түвшинд бүхий л салбарт хэрэглэж байгаа бөгөөд тэр тусмаа анагаах ухаан, автомашин үйлдвэрлэл, барилга, химийн үйлдвэрлэл, хөдөө аж ахуй зэрэг салбарт илүү ихээр хэрэглэх болсон. 

Шинэ материал: Барилгын материалын хаягдал нь бетон, элс-шохойн тоосго, тоосго, зуурмаг, гипс, тусгаарлагч материал зэрэг барилгын материалын нэг төрлийн бус эрдэсийн хольц юм. Эдгээр барилгын хаягдлыг эдлэл, бүтээгдэхүүн болгон хувиргахын тулд эхний шатанд бодисыг ялгаж салган боловсруулах шаардлагатай. 

Та чадна:  Энэхүү булангаараа иргэдэд зориулан тэд өөрсдөө хийх боломжтой зөвлөгөөг хүргэдэг бөгөөд энэ удаагийн дугаарт блокны цавуу болон хар замаскийг хэрхэн ашиглаж, хэрэглэх зөвлөгөөг хүргэж байна.

Бид дараагийн дугаартаа илүү олон сонирхолтой, хэрэгтэй мэдээллийг хүргэх тул та доорх холбоосоор дамжуулан сэтгүүлээ захиалан үнэгүй хүргүүлэн аваарай. 

СЭТГҮҮЛ ЗАХИАЛАХ

Утас: 9100-0233, 7711-3333