"Барилга МН" сэтгүүл №134

Зохиогч: Барилга МН
ISBN:
Үнэ: 9,000.00
Худалдаж авах

Товч тайлбар

Сар тутмын Барилга МН сэтгүүлийн 134 дэх буюу 7-р сарын дугаар хэвлэгдэн гарч эрхэм захиалагч, уншигч таны гарт очиход бэлэн боллоо. Барилга МН сэтгүүлийн дугаар бүрт тогтмол гардаг ярилцлагын булан, төрөл бүрийн судалгаа, салбарын тулгамдаж буй асуудлын хүрээн дэх нийтлэл, мэргэжилтнүүдийн зөвлөгөө, иргэдэд зориулсан булан болон амины орон сууцны төрөл бүрийн мэдээлэл, шинэ орон сууц, барилгын гол нэрийн материалын үнэ ханш нийтлэгддэг билээ. 

Энэ удаагийн дугаарын нүүр хуудсанд “ЮМЭКО” ХХК хамтран ажиллаа.  

Сэтгүүлд гарсан онцлох булангууд...

VIP ярилцлага: Энэ удаагийн VIP ярилцлагадаа “Улаан глобал” ХХК ерөнхий захирал Н.Отгон-Одыг урилаа. Тэрээр төслийн менежмент, консалтинг сервис болон франчайзинг бизнес эрхлэгч эмэгтэй юм.

Тодруулга: “Улаанбаатар Дулааны сүлжээ”  компанийн Ерөнхий инженер Ш. Мөнхжаргалаас Дэд бүтцийн хүрэлцээ хангамжийн талаарх асуудлаар тодруулга авснаа хүргэж байна. 

Барилгачны алдар: Барилгын салбарынхан, тэр дундаа ахмад, дунд үеийнхний сайн мэдэх МСНЭ-ийн болон МЗЭ-ийн шагналт зохиолч, орчуулагч, сэтгүүлч, “Монгол Улсын Гавьяат барилгачин”, Зөвлөх инженер А.Мягмаржавыг “Барилгачны алдар” буландаа урин ярилцлаа.

Мэргэжилтний санал: 1960 – аад оны үеэс хот суурин газрын усны эргэлтийн талаар шинжлэх ухааны ул суурьтай судалгаа эхэлж хотын ус зүйн талаарх мэдлэг, туршлагууд системтэйгээр хуримтлагдаж эхэлжээ. Эдгээр мэдлэг туршлагад үндэслэн зам талбайн борооны усыг байгаль орчинд нөлөөгүй байхаар зайлуулах ажлуудыг хийж гүйцэтгэж байна. 

Үүнтэй холбогдуулан зам, талбайн борооны ус зайлуулах шийдэл, төлөвлөлтийн асуудлуудын талаар хөндөн бичлээ. 

Амины орон сууц: Монгол орны нөхцөлд АОС барих газар нь барилга барихад тэр бүр тохиромжтой бус намгархаг, овойлт, суулт өгдөг, цэвдэгтэй гэх мэт инженер-геологийн хүндрэлтэй нөхцөлд байх нь элбэгээс гадна эдийн засгийн хямралыг даган хүмүүс санхүүгийн боломж муудсанаас хэмнэлтийг алхам тутамдаа тууштай хэрэгжүүлэх шаардлага тулгарч байна.

Дуулгах сонин: Шанхай хотын алслагдсан захад удаан хугацаагаар орхигдсон хуучин карьер нь эхэндээ хэнд ч өндөр зэрэглэлийн зочид буудал болно чинээ санагдаагүй нь лавтай. Гэвч 10 гаруй жил, 550 сая долларын хөрөнгө оруулалт, архитекторын уран шийдлийн дараа дэлхийн 2-р дайны үеийн орхигдмол уурхайн карьер нь тансаг зэрэглэлийн Inter Continental Shanghai Wonderland гэх Хятадын уран барилгын шинэ хуудсын тэргүүн эгнээнд бичигдэх үзэсгэлэнтэй сайхан орчин бүхий зочид буудал болон хувирчээ.

Монгол уран бүтээлч: Энэхүү булангаараа Монгол архитекторуудын онцлох бүтээлүүдийг хүргэдэг билээ. 

Энэ удаагийн дугаарт дэлхийн стандартад нийцсэн иж бүрэн цогцолбор,  Монголын анхны өвлийн спортын ордон болох "Степпе арена" мөсөн өргөөгийн ерөнхий архитектораар ажилласан “Анаграм” ХХК - ийн гүйцэтгэх захирал, архитектор Б.Золбоог урилаа.   

Сар тутмын Барилга МН сэтгүүлээ захиалаад үнэгүй хүргүүлэн аваарай. 

Та сэтгүүл захиалах бол ЭНД дарна уу.

Утас: 9100-0233, 7711-3333

СЭТГЭГДЭЛ БИЧИХ

АНХААРУУЛГА:
Та системд нэвтэрч орсоноор сэтгэгдэл бичих болон үнэлгээ өгөх боломжтой болно. Та нэвтрэх бол энд дарна уу.