Барилгын салбарт үйл ажиллагаа явуулдаг аж ахуйн нэгж, компаниудын дунд 3 дахь жилдээ зохион байгууллагдаж байгаа “Barilga basketball 2013” салбарын сагсан бөмбөгийн аврага шалгаруулах тэмцээн “Тэмүүжин” спорт зааланд ёслол төгөлдөр нээлтээ хийж, эхний тоглолтууд боллоо.
Энэхүү тэмцээн нь жил ирэх бүр хүрээгээ тэлж, улам олон баг оролцож байна. Тэмцээнд нийт 29 баг оролцож байгаагаас эрэгтэй 22, эмэгтэй 7 баг аваргын төлөө өрсөлдөж байна.
Энэ жилийн тэмцээнд 2012 оны аварга баг Өндөрбуянт болон Суруга Монгол, Грийн ресурс, Бридж, Номин констракшн, Модун, Эко констракшн гээд жил бүр амжилттай оролцож байгаа олон багууд байна.
Барилгын салбарын сагсан бөмбөгийн аваргын цом, алтан медалийн төлөө багууд 3сарын 9-10 ний хооронд 2 өдрийн турш өрсөлдөх юм.
Бүх багууддаа амжилт хүсье.