Хөдөлмөр хамгааллын Евро-норм нормативыг танилцуулах сургалт семинар өнөөдөр “Барилга Экспо-2012” хаврын барилгын үзэсгэлэн яармагийн “Шинэ дэвшилтэт техник, технологийн өдөрлөг”-ийн үеэр боллоо. Үзэсгэлэн яармагийн Ерөнхий зохион байгуулагч “Барилга.МН” Барилгын Зөвлөгөө Мэдээллийн Төв болон хөдөлмөр хамгааллын хувцас хэрэглэл, тоног төхөөрөмжийг Итали Улсаас оруулж ирж худалдаалдаг “Симпедил Монголиа” ХХК хамтран мэргэшсэн олон улсын тусгай зөвшөөрөлтэй хөдөлмөр хамгааллын зөвлөх инженерүүдийг урин энэхүү сургалт семинарыг санаачилан зохион байгуулсан юм. Харин МБХолбоо, МБИХолбоо, МБҮЭХолбоо уг хөдөлмөр хамгааллын танилцуулах сургалт семинарыг дэмжин оролцсон байна.