Нийслэлийн БЗД-ийн 26 дугаар хороо Дүнжингаравын уулзварт 60 тонн газ тээвэрлэж явсан автомашин зам тээврийн ослын улмаас дэлбэрч шатсан осол гарсан. Үүнтэй холбогдуулан Улсын Онцгой комиссоос цаг үеийн мэдээлэл өгөх үеэр ОБЕГ-ын дарга Г.Ариунбуян “Онцгой байдлын байгууллагад өндөр барилга байгууламжид гарсан галыг унтраах 30 метр хүртэлх буюу 9 давхарт хүрэх хүчин чадалтай автомашин байгаа. Гэтэл сүүлийн үеийн тоон мэдээллээр Улаанбаатар хотод 10 ба түүнээс дээш давхрын 198 барилга бүртгэгдсэн. Цаашид онцгой байдлын байгууллагаас, Монгол болон Франц улсын Засгийн газрын санхүүгийн хэлэлцээрээр дээр барилга, байгууламжид хүрч ажиллах хүчин чадалтай 18 тусгай автомашин нийлүүлэхээр ажиллаж байна.