JCI Монгол байгуулласаас 3 дахь жилдээ уламжлал болгон JCI Байгууллагын гишүүдийн дунд “Уран илтгэл, мэтгэлцээн – 2011” тэмцээнийг зохион байгуулж байгаа ба энэ удаагийн тэмцээнийг JCI Их хүрээ салбар байгууллага 04 дүгээр сарын 23-ний өдөр Улаанбаатар зочид буудалд зохион байгуулахаар боллоо.

Эерэг бодол, эерэг сэтгэлгээний  үрийг нийгэмд түгээн дэлгэрүүлэх зорилготой 500 шахам залуусыг эгнээндээ нэгтгэсэн JCI Монгол байгууллагын 9 салбарын шилдэг 70 гаруй залуус “Эерэг өөрчлөлтийг бүтээцгээе!” уриан дор үзэл бодлоо уралдуулан шинэ санаа,  шилдэг шийдлүүдийг дэвшүүлэн тавихаар мэтгэлцээн, уран илтгэл, эссэ бичлэг гэсэн төрлүүдэд хүчээ сорих юм.

Тэмцээнийг ерөнхий зохион байгуулагч JCI Их Хүрээ салбар байгууллага бөгөөд Нийслэлийн Иргэдийн Төлөөлөгчдийн Хурал болон JCI Монголын мэтгэлцээний аварга багуудын дунд цаг үеийн халуухан сэдвийн хүрээнд нөхөрсөг тоглолт хийхээр зохион байгуулж буй нь энэ удаагийн тэмцээний онцлог болгож байна.