Монгол Улсын Засгийн газраас “Англи хэл”-ийг албан ёсны хоёр дахь хэл болгон зарлаад үндэсний хөтөлбөрүүдийг хэрэгжүүлж байна. Энэ хөтөлбөрийг хэрэгжүүлэн Монголын Барилгын Инженерүүдийн Холбоо үүсэн байгуулагдсан 15 жилийнхээ ойн хүрээнд “Ногоон барилга- Эрчим хүчний хэмнэлт” сэдэвт “Барилгын мэргэжлийн англи хэл”-ний тэмцээнийг өнөөдөр ШУТИС-ийн 2-р байранд зохион байгууллаа.

Барилгын салбарт мэргэжилтэн бэлтгэж байгаа их, дээд сургууль коллежуудын оюутнуудын дунд 3 дахь жилдээ зохиогдож байгаа уг тэмцээнд оролцогч оюутнуудын тоо жил ирэх тусам нэмэгдэж бөгөөд энэ жилийн тэмцээн нилээн өрсөлдөөнтэй болсон гэж тэмцээнийг зохион байгуулагчдын зүгээс болон оролцогч оюутнууд хэлж байлаа.

Тэмцээн англиас монгол руу орчуулах, монголоос англи руу орчуулах, эх сонсоод ойлгосноо ойлгох ярих асуултанд хариулах журмаар явагдлаа.

Тус англи хэлний тэмцээний зорилго нь манай орны хувьд барилгын чиглэлээр төгсөж байгаа оюутнуудын барилгын мэргэжлийн англи хэлний мэдлэг дутмаг байдагаас төгссөний дараа ажлын байр олдохгүй байна гэсэн хэцүүхэн асуудалтай тулгардаг. Тиймээс тус тэмцээнийг зохиосноор барилгын мэргэжлийн англи хэлний мэдлэгийг дээшлүүлэх, мэдлэгийг нь үнэлэх, урамшуулах, идэвхи сонирхолыг нь дэмжих болон нийгмийн оролцоог нэмэгдүүлэхэд ач холбогдол нь байгаа юм.

“Барилгын салбарын мэргэжлийн англи хэл”- ний тэмцээний эцсийн дүнг гаргахад :

1-р байрт : Н. Ундрал БИАС-ийн Архитектурын 2 дугаар курсийн оюутан

2-р байрт : Бекман БИАС-ийн Иргэнийн барилга инженерийн 3 дугаар курсийн оюутан

3-р байрт : У. Төрбат ТТК-ийн Барилгын инженерийн 1дүгээр курсийн оюутан

   -          Б. Батцолмон БИАС-ийн 3 дугаар курсийн оюутан
  
   -          Э. Лхамсүрэн БИАС-ийн Архитектурын 2 дугаар курсийн оюутан

  -          Ч. Батболд БИАС-ийн Иргэний барилга инженерийн 3 дугаар курсийн оюутанууд тус тус шалгарлаа. Энэ жилийн тэмцээнд 3 дугаар байр 3 шалгарсан нь барилгын салбарын шинэ боловсон хүчний хэлний мэдлэг жилээс жилд сайжирч байгааг илтгэж байна.