Та барилгын төсвөө хэмнэмээр байна уу?

Та барилгын төсвөө хэмнэмээр байна уу?

Төлөв байдал

Өнгөрөгч хоёр жилийн хугацаанд барилгын салбар төдийгүй бүхий л салбар цар тахлаас шалтгаалан хүндхэн цаг үеийг туулсан бол энэ онд салбарын үйл ажиллагаа тогтворжих хандлагатай байгааг салбарынхан төдийгүй эдийн засагч нар хэлж байгаа юм. 

 

Энэ жилийн хувьд Монгол Улсын төсвийн хөрөнгөөр нийт 1335 төсөл хөтөлбөр, арга хэмжээ, барилга байгууламжийг 2,1 их наяд төгрөгөөр санхүүжүүлэхээр батлагдсан байна. 


 

Мөн өнгөрөгч жилүүдэд үл хөдлөхийн салбарт орон сууцны эрэлт хэрэгцээ цар тахлаас шалтгаалан гадаадад ажиллаж, амьдардаг иргэд ирсэн ба нэг дор олноороо амьдардаг айлууд өрх тусгаарласан, ипотекийн зээл 6% болсон, хадгаламжийн хүү буурснаар үл хөдлөх хөрөнгө худалдан авсан гэх гурван хүчин зүйлээс шалтгаалан эрэлт ихээр нэмэгдсэн. Тэгвэл энэ онд ч буурахгүй, эрэлттэй хэвээр байхыг үл хөдлөхийн мэргэжилтнүүд онцолж байна. 


Эрсдэл 

Хэдийгээр салбарын нөхцөл байдал тогтворжих төлөвтэй хэмээн үзэж байгаа ч өмнөх оны мөн үед инфляцын өсөлт 2.4-тэй байсан бол энэ оны нэгдүгээр сарын байдлаар 14.8 болсон нь бараа бүтээгдэхүүний үнийн өсөлтөд шууд хамааралтайгаар нөлөөлж байна.

 

Үүнээс гадна барилгын материалын чиглэлд гарч болзошгүй хүндрэл нь бараа материалаа Хятад болон Орос улсаас импортолдог хараат улсын хувьд Хятадын хил хаасантай давхцан Зүүн Европт үүсээд буй хойд хөрштэй холбоотой дайны нөхцөл байдал юм.

 

Хоёр улсын дайны байдал улмаар хүндэрвэл тухайн улсуудаас татдаг бараа бүтээгдэхүүн хомстож, ачаа тээврийн чиглэлд доголдол гарвал урд хилийн нөхцөл байдал хүндхэн байгаа энэ цаг үед эрсдэлийг улам нэмэгдүүлж болзошгүйг олон улс судлаачид үзэж байна.


Боломж, төлөвлөлт

Иймээс барилгын салбарт үйл ажиллагаа явуулж буй 6000 орчим албан ёсны мэргэжлийн гүйцэтгэгч байгууллагууд ажлын төлөвлөлт, санхүүгийн зөв менежмент, зохион байгуулалт, барилгын материал бүтээгдэхүүнээ цаг хугацаандаа хүлээн авахын тулд эртнээс худалдан авалт хийн, бүтээгдэхүүнээ баталгаажуулж, нөөцлөх асуудлыг тооцоолох шаардлагатай болж байна.  

 

Ихэнх компаниуд хаврын улиралд арматур, бетон цемент гэх мэт гол материалуудаа худалдан аваад, дотор заслын бүтээгдэхүүнийг хойш тавьдаг бөгөөд энэ нь намар цагт эрэлтийг огцом нэмэгдүүлж, үүнийгээ дагаад үнэ өсөх, материал хомстох гэх мэт эрсдэлийг үүсгэдэг.

 

Тийм ч учраас зарим барилга угсралтын томоохон компаниуд нь барилгын ажил эхлэх үетэй зэрэгцүүлэн дотор заслын материал /сантехник, цонх хаалга, ЛИФТ гэх мэт/ - аа урьдчилан худалдан авдаг. Ингэснээр цаг хугацаагаа алдахгүй байх, хямдралтай үед нь авч санхүүгээ хэмнэх, төлөвлөөгүй урсгал зардал гарахгүй байх зэрэг давуу талыг бий болгодог. 

 

Судалгаа

Энэ талаар барилга угсралтын компаниудаас судалгаа авахад 37 хувь нь дотор заслын материалаа хавар урьдчилан авдаг бол 18 хувь нь барилгад материал ашиглагдах тухайн үед буюу намрын улиралд шийдвэрлэдэг байна. 


 

Өндөр үнэтэй бүтээгдэхүүнийг хөнгөлөлттэй үнээр авах нь төсвийг хэмнэж, дотор заслын ажил хэзээ ч эхэлсэн бэлтгэл бүрэн хангагдсан байх бөгөөд судалгаанд хамрагдсан компаниудын ихэнх нь хямдрал зарлагдсан үед нь худалдан авалт хийдэг гэдэг нь доорх судалгаанаас харагдаж байна.

 


 


Тиймээс та намар ашиглагдах материалаа таатай нөхцөлөөр эртхэн авах уу, цагийг нь тулгаж тулсан сонголтыг хийх үү гэдгээ дахин нэг бодоод, төлөвлөгөөгөө эргэн нэг хараарай. 

 

Ялангуяа төсвийн багагүй хувийг эзэлдэг хэдэн саяар үнэлэгдэх цахилгаан шатыг чанар, стандарт, үнэ ханшийг эртнээс судалж төлөвлөх нь санхүүгээ хэмнэх, хамгийн сайныг боломжийн үнээр шилж сонгох нөхцөлийг бүрдүүлдэг. 


Одоо захиалаад илүү хэмнэ  

Лифт нь дан ганц хүн зорчихоос гадна, аюулгүй байдал, тав тух, чанарын шаардлага, насжилт, манай оронд тохирох Евро стандартыг хангасан байх нь чухал үзүүлэлт болдог. Тиймээс эдгээр шалгуур үзүүлэлтийг бүрэн хангасан Европын топ лифт үйлдвэрлэгчдийн нэг KLEEMANN брэндийн Монгол дахь албан ёсны онцгой эрхт дистрибьютер “Дельта Элеватор” ХХК-ийн цахилгаан шатыг танд санал болгож байна. 

 

Уг компанийн зүгээс 3-р сард багтаан лифтний захиалгын хуудсаа ямар нэгэн төлбөр төлөхгүйгээр баталгаажуулсан компаниуддаа нийт үнийн дүнгээс 3% хөнгөлөлт эдлэх боломжийг бүрдүүлээд байна.  

Орчин үеийн барилга үйлдвэрлэлийн төсөвт өртөг, чанар, хүчин чадлыг эцэслэн тогтооход голлох үүрэгтэй энэхүү лифт нь 

  • 25-30 жилийн насжилттай

  • 2 жилийн баталгаат хугацаатай

  • Борлуулалтын дараах сервис үйлчилгээтэй,  мэргэжлийн угсралтын багтай 

  • Галд тэсвэртэй Е 120 стандартын тоноглолтой тул 2 цаг хонгилд гал алдахгүй

  • Ковид-19 цар тахлын энэ үед агаар цэвэршүүлэгч, 1,5м зайнаас мэдрэх болон бактерийн эсрэг нян устгагчтай товчлуур зэрэг нэмэлт шийдлүүдтэй. 

 

BMW, Subaru зэрэг шилдэг брэнд автомашинуудын загварчлалын дизайнер Андреас Запатинас /Andreas Zapatinas/-ын бүтээсэн ВААР мэт МУРУЙ /Curved/ загварын бүхээг /кабин/ нь зорчигдийн хэрэгцээ, гоо зүйн таашаал, сэтгэл хангалуун байдалд анхаарч, босоо чиглэлийн зөөвөрлөх төхөөрөмж байсан цахилгаан шатны ойлголтыг эвдэн ИРЭЭДҮЙН ТРЕНД /Future Trend/-ийг бий болгож шинэ стандарт тогтоосон. Энэхүү Curved загвар нь патентлагдсан бөгөөд зөвхөн KLEEMANN үйлдвэрлэдэг.

 

Лифтний бүхээгийн хувьд 3 төрлийн муруй загвартай. Энэ нь орон зайн хувьд цэлгэр том харагдуулах бөгөөд хэлбэр дизайны шинэлэг шийдлийг санал болгож байна.

 


“Дельта Элеватор” ХХК-ийн Ерөнхий менежер Г.Бат-Амгалан: Урьдчилан захиалга хийх нь тээвэрлэлтийн зардлыг 50-85% хэмнэх боломжтой

Зүүн Европт үүсээд буй хойд хөрштэй холбоотой дайны нөхцөл байдлаас шалтгаалан танай компанийн бүтээгдэхүүн таталтын нөхцөл байдал ямар байна?

Европоос ирэх захиалгад тээвэрлэлтийн сааталгүй буюу далайн тээвэрлэлтээр ирэх боломжтой. Бүтээгдэхүүний үнэд нөлөөлөх гол хүчин зүйлс гэвэл London Metal Exchange (www.lme.com) дахь металлын ханшийн өөрчлөлт, гадаад болон дотоодын тээвэр, ложистикийн нөхцөл байдал, түүнээс хамааралтай тарифын өөрчлөлт, валютын ханш юм. Эдгээр хүчин зүйлс нь энэ цаг үед цахилгаан шатны захиалгад өндөр нөлөөлөх тул захиалгыг урьдчилан хийх нь чухал болоод байна.


Барилгын төсөвт өртгийн хэдэн хувийг ЛИФТ бүрдүүлдэг вэ? Тухайлбал, лифтийг барилгад ашиглагдах хугацаанаас өмнө худалдан авалт хийвэл санхүүгийн хувьд хэдэн хувийг хэмнэх боломжтой вэ? 

Лифт нь барилгын төсөвт өртөгт багагүй хувийг эзэлдэг. Гэхдээ барилга бүрийн төсөв өөр учраас эзлэх хувь нь мөн өөрчлөгддөг гэсэн үг. Тухайлбал, нэг орцтой 14 давхар, давхардаа зургаан айлтай орон сууцны барилгын төсөвт өртөг 8,8 тэрбум төгрөг гэж бодоход үүний  3%-д нь хоёр цахилгаан шатны төлбөр төсөвлөгдсөн байдаг. Бүтээгдэхүүний өртөгт тээвэрлэлтийн зардал өндөр хувь эзэлдэг. Урьдчилан захиалга хийх нь тээвэрлэлтийн зардлыг 50-85% хэмнэх боломжтой.


Компаниуд төсөвт өртөгт өндөр хувь эзэлдэг ЛИФТ-ээ урьдчилан баталгаажуулснаар ямар давуу талууд бий болох вэ?  

Барилга угсралтын томоохон компаниуд төлөвлөлтөө зөв гаргаж, барилгын ажил эхлэхтэй зэрэгцээд дотоод заслын материалуудаа худалдан авалт хийж баталгаажуулдаг болсон байна. Энэ нь барилга дуусах буюу тухайн бүтээгдэхүүн ашиглагдах үед материалын хомстол, үнийн хөөрөгдлийг өөрсдөдөө бий болгохгүйгээр асуудлыг шийдвэрлэж байна гэсэн үг. 


Зарим компаниуд ажлын төлөвлөлт, санхүүгээ зөв төлөвлөхгүйгээр хугацаа тулгаж бүтээгдэхүүнээ авдаг нь цаг хугацаа алдах, барилга ашиглалтад орох хугацаа хойшлох, бүтээгдэхүүн хомстож, үнэ өсөх, сонголтгүй болох, богино хугацаанд худалдан авалт хийхийн тулд илүү төлбөр төлөх зэрэг эрсдэлийг бий болгодог. Энэ жилийн тухайд дээрх хүчин зүйлүүд болох хил гааль хаалттай, ханшийн өсөлттэй зэргээс шалтгаалан материал хомстож болзошгүй эрсдэл өндөртэй жил гэж харж байна. 


Бидний зүгээс дээр дурдсанчлан захиалагч нартаа санхүүгийн болон цаг хугацааны эрсдэлгүй шийдлийг санал болгож байна. 


“Дельта Элеватор” ХХК 

И-Мэйл: sales@lift.mn 

Холбогдох утас: 7723-2222


СЭТГЭГДЭЛ БИЧИХ

АНХААРУУЛГА:
Уншигчдын бичсэн сэтгэгдэлд barilga.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ