Дотоодын зах зээлдээ тэргүүлэгч “Метропласт” ХХК-тай хамтран ажилладаг байгууллага, хувь хүмүүс болон үндэсний үйлдвэрлэлээ дэмждэг та бүхэнд тус компанийн хамт олны зүгээс 10 ЖИЛИЙН ОЙН  баярын мэндийг хүргэж байна. 

“Метропласт” ХХК анх 2011 оны 7 сард дотоодын 100%-н хөрөнгө оруулалттайгаар үүсгэн байгуулагдаж 10 жилийн турш тасралтгүй хуванцрын үйлдвэрлэл чиглэлээр үйл ажиллагаа явуулж, 30 гаруй ажиллагсадтай үндэсний үйлдвэрлэгч компани болтлоо өргөжин хөгжжээ.

Өдгөө дотоодын зах зээлд гадна цонх болон тагтны хаалтад зориулагдсан PROFECTION брэндийн хуванцар цонхны бэлдэц, өндөр даралтат цэвэр усны HDPE хоолой, халуун, хүйтэн ус дамжуулах полипропилен PPR хоолой, болон хөөсөн Полиуретан ДУЛААЛГА гэсэн нэр төрлийн бүтээгдэхүүнүүдийг үйлдвэрлэн дотоодын зах зээлд импортыг орлох бүтээгдэхүүнээр багагүй хувь нэмэр оруулан ажилсаар байна. 

"Метропласт" ХХК-ийн үйл ажиллагааны цар хүрээ, гаргасан амжилт бүхэн ур чадвартай ажилтан, ажиллагсдын уйгагүй нөр их хөдөлмөр, хичээл зүтгэлээс үүдэлтэй учир компанийн үе үеийн ажилтнууддаа хамтдаа бүтээлцсэн түүхт 10 жилийн ойн мэндийг хүргэе. 

HDPE өндөр даралтат цэвэр усны хоолой

Өндөр даралтат цэвэр усны HDPE хуванцар хоолойг газар тариалан, уул уурхай, ус зайлуулах, гэр хорооллын дахин төлөвлөлт зэрэг төслүүдэд ашигладаг ба MNS ISO 4427:2007 стандартын 20мм-450мм (+) хүртэлх диаметртэй хоолой үйлдвэрлэх хүчин чадалтай. 

PROFECTION хуванцар бэлдэц

Монгол орны цаг агаарын эрс тэс уур амьсгалд тохирсон орц найрлагатай MNS5874:2004 - стандартыг хангасан гадна цонх болон тагтны хаалтад зориулагдсан бүтээгдэхүүнийг таны ХҮССЭН ХЭМЖЭЭГЭЭР үйлдвэрлэдэг. 

Хоолойн дулаалгын материал

MNS 5352:2004 стандартыг хангасан дулаан дамжуулах хоолойн дулаан тусгаарлалтын хөөсөн полиуретан бүрхүүлийг 40кг/м3-125кг/м3 нягттайгаар үйлдвэрлэж байна.

ВЭБ САЙТ:  https: metroplast.barilga.mn

УТАС: 94006006, 94006019, 7777-7515