Цахим үзэсгэлэнд амжилттай оролцох зөвлөмж

Цахим үзэсгэлэнд амжилттай оролцох зөвлөмж

Орчин цагт маркетинг сурталчилгааны арга хэрэгсэл улам бүр сайжирч, бизнес эрхлэгчдэд илүү өндөр шаардлага тавигдах болжээ. Тэрхүү арга хэрэгслүүдийн нэг бол сошиал маркетинг юм. Тиймээс энэ удаагийн “Barilga Expo- 2020” олон улсын үзэсгэлэн нь танай бизнесийн хамгийн үр өгөөжтэй маркетинг болж чадна гэдэгт итгэлтэй байна. Үзэсгэлэнд оролцохоос илүүтэй үр дүн хамгийн чухал. Тиймээс та цахим үзэсгэлэнд амжилттай оролцохын тулд дараах алхмуудыг гүйцэтгэсэн байх хэрэгтэй.


Үүнд:
1. Цахим талбайгаа “ОНЦ” засах


Өөрийн вэбийн нүүр хэсэгт байгууллагынхаа танилцуулга мэдээллийг бүрэн гүйцэд, ойлгомжтой нийтлэх
Мэдээ хэсэгт бүтээгдэхүүн үйлчилгээтэй холбоотой контентийг бэлтгэн оруулах 
Бүтээгдэхүүн хэсэгтээ бараа бүтээгдэхүүний  чанартай зураг, үнэ ханшийг оруулсан байх 
Байгууллагынхаа холбогдох утасны дугаар, мэйл хаяг, байршлыг үнэн зөв оруулах 
Тухайн бараа бүтээгдэхүүний талаар мэдээлэл өгөх менежрийн зураг, холбогдох дугаарыг тавих 

2. Үзэсгэлэнгийн үеэр шууд лайв бичлэг хийх 

Үзэсгэлэнгийн өдрүүдэд мэргэжлийн студи, хөтлөгч ажиллах учраас танай компанийн талаарх 3 минутын Live бичлэгийг үнэ төлбөргүй шууд дамжуулан хүргэх боломжтой. Тиймээс энэ хугацаанд бараа бүтээгдэхүүнийхээ талаарх оновчтой мэдээллийг урьдчилан бэлдэж, хэрэглэгчдэдээ хүргээрэй.
Хэрэв шууд дамжуулалтаас илүү өөрсдийн шоурүүм, хийж бүтээсэн зүйлээ бодитоор харуулахыг хүсэж байгаа бол зохион байгуулагчийн зүгээс видеог урьдчилсан байдлаар бэлтгэн, тогтсон цаг хугацаанд цацах боломжтой. Энэ нь 5 минутаас хэтрэхгүй байх бөгөөд тодорхой хэмжээний төлбөртэй гэдгийг анхааруулж хэлэх нь зөв байх. 

3. Бараа бүтээгдэхүүний давуу талыг харуулсан видео, контент бэлдэх

Бүтээгдэхүүн үйлчилгээгээ тайлбарласан, түүнтэй холбоотой мэдээлэл зөвлөгөө бэлтгэн вэбдээ оруулах нь хэрэглэгч илүү өргөн мэдээлэлтэй болж, танай цахим талбайд удаан зочлох болно.  Жишээлбэл, интерьерийн чиглэлээр үйл ажиллагаа явуулдаг бол “зочны өрөөгөө хэрхэн тохижуулах вэ” гэсэн зөвлөгөө мэдээллийг хүргэж болох юм. 

4. Үзэсгэлэнгийн үеэр холбоо барих бүх сүлжээг нээлттэй байлгах 

Цаг хугацаа, орон зайнаас үл хамааран хэрэглэгч танай орон сууц, үйлчилгээ, бүтээгдэхүүний талаар мэдээлэл авахаар хандахад хэзээд хариулах хариуцсан ажилтныг томилох хэрэгтэй. Чатад хариулах, утсаар ярих, мэйл илгээх гэх мэт. 
Нэмж хэлэхэд мэдээлэл өгч байгаа ажилтан нь компанийн талаарх мэдээллийг маш сайн мэддэг, үндсэн ажилтан байх шаардлагатай. Учир нь худалдан авагчдад бүрэн гүйцэд, ойлгомжтой мэдээлэл өгөх нь чухал. Тиймээс шинэ ажилтан болон цагийн ажилтнаас татгалзахыг санал болгож байна. 

5. Холбогдсон харилцагчдын мэдээллийг дата болгон хадгалан авч цаашдын  үйл ажиллагаандаа ашиглах

Хэдийгээр худалдан авалт хийгээгүй ч танай цахим талбайг сонирхсон хэрэглэгчдийн мэдээллийг нэгтгэн авах нь та бүхний цаашдын ажилд туслах болно. Үзэсгэлэн дээр холбоо тогтоосон хэрэглэгчдийн 88% нь ирээдүйн харилцагч болдог гэсэн маркетингийн судалгаа бий. 

6. Үзэсгэлэнгийн үеэр хямдрал, урамшуулал зарлах 

Цахим үзэсгэлэнгийн үзэгчдээ зориулан орон сууц, үйлчилгээ, бараа материалдаа тодорхой хэмжээний хямдрал, урамшуулал зарлаж, азтан шалгаруулах зэрэг нь өрсөлдөгч компаниудаас урьтаж, хэрэглэгчдийг татах болно. Энэ нь танай цахим талбайд зочлох хэрэглэгчдийн тоог нэмэгдүүлэх юм.  

7. Сургалт, семинар зохион байгуулах 

Үзэсгэлэнгийн өдрүүдэд цахим үзэсгэлэнд оролцогч, үзэгчдэд зориулан сургалтыг зохион байгуулах нь танай компанийн талаарх ойлголт, мэдээлэл тухайн хэрэглэгчдэд тод үлдэх болно.  

8. Цахим үзэсгэлэнд оролцох гэж буй талаараа өөрсдийн сошиал сувгуудаар давхар мэдээллэх 

Та зөвхөн www.barilgaexpo.mn сайтаас үл хамааран цахим үзэсгэлэнд оролцох гэж байгаа болон үзэсгэлэнгийн өдрүүдэд байгууллагынхаа талаарх мэдээллээ танайд хамааралтай бүхий л сувгуудаар давхар цацаж ажиллах нь илүү олон хүнд хүрэх боломжийг нээх юм. Тухайлбал, байгууллагын сайт,  пэйж, ажилтнуудын хувийн facebook сувгуудаараа давхар дамжуулаарай. 
Эдгээр алхамуудыг та бүрэн гүйцэд гүйцэтгэснээр цахим үзэсгэлэнд амжилттай оролцож чадах юм. Та бүхэн цахим үзэсгэлэнд оролцсоноор жирийн үеэс хэд дахин олон хэрэглэгчдэд хүрч, цахимд орчинд өөрсдийн орчинг бий болгохоос гадна цахим харилцаа, онлайн худалдааны томоохон туршлагатай болно гэдэгт итгэлтэй байна. “BARILGA EXPO-2020” олон улсын үзэсгэлэнд оролцож байгаа нийт ААН, байгууллагадаа амжилт хүсье!

“Цахим хувьсгалд хамтдаа”

Оролцогчоор бүртгүүлэх ==>>  Энд дарж бүртгүүлнэ үү




Холбоотой мэдээ