Хонхтой цэцэрлэгийн шинэчлэлтийг 3,2 тэрбумаар хийнэ

Хонхтой цэцэрлэгийн шинэчлэлтийг 3,2 тэрбумаар хийнэ


Сүхбаатарын талбайн урд хэсэг буюу Хонхтой цэцэрлэгийг 2020 онд Нийслэлийн засаг даргын захирамжаар нийтийн эзэмшил болгосон бөгөөд энэ байршилд шинэ бүтээн байгуулалт хийх талаар иргэдээс санал авч, ирсэн саналын дагуу усан оргилууртай цэцэрлэгт хүрээлэн барихаар шийдвэрлэсэн билээ. 


Хонхтой цэцэрлэгт хүрээлэнгийн шинэчлэлтийг 3.2 тэрбум төгрөгийн өртгөөр дэлхийн жишигт нийцсэн, орчин үеийн шийдэлтэйгээр байгуулах бөгөөд барилгын хашааг хэдийнээ хатгажээ Тус хүрээлэн нь 1,6 га талбайг хамрах бөгөөд 85 метрийн урттай, 14 метрийн өргөнтэй хөгжмийн аялгуутай усан оргилуур, 800 кв.метрийн хэмжээтэй задгай дугуйн талбай, 7600 кв.метр талбайг боржин чулуугаар бүрэх, 35 хүн нэг дор үйлчлэх боломжтой хоёр нийтийн ариун цэврийн газар байхаар зураг төсөлд төлөвлөгджээ. 



Уг цэцэрлэгт 20 жилийн турш мод тарьж, иргэдийн амарч зугаалах хэсгийг шинэчилж байсан ч бүрэн засвар хийгдэж байгаагүй юм. Тиймээс бүрэн засварлах цаг нь болсон гэж үзэн, тохижилтын ажлыг хэрэгжүүлэхээр болжээ.


Хувийн хэвшилд байсан талбайг буцаан иргэдийн эзэмшил болгож, амралт зугаалгын цоо шинэ бүтээн байгуулалт хийх гэж байгаа нь сайшаалтай ч 3,2 тэрбум төгрөгөөр усан оргилуур баривал бидэнд ямар ашигтай вэ? дотоодын төдийгүй дэлхийн эдийн засаг уналттай байгаа энэ цаг үед оновчтой бүтээн байгуулалт мөн үү? моддоор дүүрсэн цэцэрлэгт талбайг, цементээр бүрхсэн усан оргилуур болгох уу? гэх мэт асуудлаас болж зарим иргэд санал нийлэхгүй байгаагаа илэрхийлж байна. 

Гэхдээ “2016-2017 онд Хонхтой цэцэрлэгт тарьсан 586 ширхэг гацуур, 349 ширхэг нарс модноос тодорхой тооны буюу явган хүний зам болон усан оргилуур байрших хэсэгт байгаа моддыг зориулалтын тусгай технологи ашиглан “Цэцэрлэгт хүрээлэн”-рүү шилжүүлэн суулгана” гэдгийг албаныхан мэдээллэсэн. 


                                                                                      


Гадаадын аялал жуулчдын нүдийг хужирлах бүтээн байгуулалт, иргэдийн аялж, зугаалах орчин бий болж байгааг зөвтгөх нэгэн байгаа ч, дунджаар 2 цэцэрлэг, 2 сургууль, 1 эмнэлэг барих боломжтой 3,2 тэрбум салхинд хийсэхвий гэж "санаа зовох" хэсэг ч байна. 


"Хонхтой цэцэрлэгт хүрээн"-н шинэ бүтээн байгуулалтын дэлгэрэнгүй бичлэгийг үзнэ үү. 



СЭТГЭГДЭЛ БИЧИХ

АНХААРУУЛГА:
Уншигчдын бичсэн сэтгэгдэлд barilga.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ