Барилгын салбарын шинэ төсөл, дэвшилтэт техник технологи, инновацыг нэг дор төвлөрүүлдэг 39 дэх удаагийн “BARILGA EXPO” олон улсын барилгын үзэсгэлэн яармаг 2026 оны 4 дүгээр сарын 24–26-ны өдрүүдэд Буянт-Ухаа ордонд зохион байгуулагдана.

Гурван өдрийн турш үргэлжлэх тус үзэсгэлэн нь салбарын бодлого чиглэл, шинэ техник технологи, инженерчлэл, барилгын материал, үл хөдлөх хөрөнгийн зах зээл гэх мэт өргөн сэдвийн хүрээнд мэргэжилтнүүдийн илтгэл семинарууд тавигддаг гэдгээрээ онцлогтой. 

Энэ удаагийн илтгэл семинарын хөтөлбөрийг өдөр бүр өөр, өөр зорилтот бүлэгт чиглүүлэн сэдэвчилсэн байдлаар зохион байгуулж байгаа нь оролцогчдод хэрэгцээт мэдээллээ илүү үр дүнтэй байдлаар авах боломжийг олгож байна.

Төсөл хэрэгжилт & шинэчлэл - 2026 оны 4 дүгээр сарын 24 (Баасан гараг)

Үзэсгэлэнгийн эхний өдөр барилгын салбарын аж ахуйн нэгжүүд болон төсөл хэрэгжүүлэгчдэд зориулсан бөгөөд салбарын бодлого, хууль эрх зүй, норм стандартын шинэчлэл, дэвшилтэт технологийн талаарх илтгэлүүд тавигдана.

Энэ өдөр Хот Байгуулалт, Барилга, Орон Сууцжуулалтын Яамнаас “Барилгын тухай хууль”-ийн шинэчилсэн үзэл баримтлалыг танилцуулахаас гадна сургууль, цэцэрлэгийн барилгын нормын өөрчлөлт, хот төлөвлөлтийн орчин үеийн шийдэл болох “Сэлбэ 20 минутын хот” төслийн талаар мэдээлэл хүргэнэ.

Мөн барилгыг эрчим хүч үйлдвэрлэгч болгон хувиргах BIPV (Building-integrated photovoltaics) технологийн шийдлүүдийг салбарын мэргэжилтнүүд танилцуулах юм.

Семинарын хөтөлбөр (14:00-16:00 цагийн хооронд)

• “Барилгын тухай хууль” үзэл баримтлал - Д.Батзориг (ХББОСЯ-ны Барилгын материалын хэлтсийн дарга)
• Сургууль цэцэрлэгийн барилгын нормын шинэчлэл - Э.Цэнд-Аюуш (Барилга байгууламжийн норм нормативын хэлтсийн мэргэжилтэн)
• Нийслэлийн орон сууцжуулах бодлогын өнөөгийн нөхцөл байдал, цаашдын чиг хандлага - С.Дорждэрэм (Бодлого төлөвлөлт, төсөл хөгжүүлэлтийн газрын дарга)
• Сэлбэ 20 минутын хотын танилцуулга — У.Баатар (“Сэлбэ хорин минутын хот корпорац” ХХК-ийн Гүйцэтгэх захирал)
• Барилгыг сэргээгдэх эрчим хүч үйлдвэрлэгч болгон хувиргаж буй BIPV технологи - С.Болорбайгаль (BIPV Glass технологийн сургагч багш)

Инженерчлэлийн шийдэл ба Инновац - 2026 оны 4 дүгээр сарын 25 (Бямба гараг)

Үзэсгэлэнгийн хоёр дахь өдөр “Инженерчлэл, Инновац ба Бодлогын шийдлүүд” сэдвийн хүрээнд салбарын мэргэжилтнүүдэд зориулагдана. 

Энэ өдөр орон сууцжуулалтын бодлого, үл хөдлөх хөрөнгийн зах зээлийн нөхцөл байдал, салбарын тулгамдсан асуудлуудыг хэлэлцэхийн зэрэгцээ барилгын материал, технологийн шинэ шийдлүүдийг танилцуулна.

Мөн хиймэл оюун ухаан (AI)-ын хэрэглээ, ногоон цемент, угсармал хийц, агаар сэлгэлтийн инновац, салбарын даатгал болон эрсдэлийн удирдлагаар мэргэжилтнүүд илтгэл тавьж, оролцогчдын асуултад нээлттэй хариулт өгөх болно.

Семинарын хөтөлбөр (14:00-16:00 цагийн хооронд)

• Дахин төлөвлөлт ба шаардлагад нийцсэн орон сууц -Б.Пүрэвсүрэн (УБОС-ын Газрын дарга)
• Барилга байгууламжийн зураг төсөл боловсруулах, магадлал хийх дүрэм - Б.Жанцансүрэн (Барилга байгууламжийн зураг төслийн магадлал зохион байгуулах хэлтсийн мэргэжилтэн)
• Бүтээгдэхүүн баталгаажуулалтын тохирлын гэрчилгээ- Э.Энхжин (Барилгын чанар, аюулгүй байдал, паспортжуулалтын хэлтэс)
• Угсармал хийц ба технологийн шийдэл - Д.Энхтүвшин (Эн Си Ди Прекон ХХК Гүйцэтгэх захирал, Монгол Улсын Зөвлөх инженер )
• Хүйтэнд цутгасан бетоны процессын алдаа, гамшгийн эрсдэл - Б.Батхишиг (Монгол газрын тос боловсруулах үйлдвэр)
• AI ба барилга - Г.Амгаланбаяр ("Гайхалтай төсөл ХХК"-ийн ТУЗ-ын дарга )
• Барилгын агаар сэлгэлтийг оновчтой төлөвлөх нь - Уранцэцэг (ШУТИС-ийн багш, Ph.D )
• NOVA POWER TECH ХХК – Цахилгаанчны мэргэжлийн ур чадвар -2026 мэргэжлийн уралдааны шагнал гардуулах ёслол
• Барилгын салбарын даатгал: зардал уу, хамгаалалт уу? - Б.Төгөлдөр (Kорпорэйт даатгалын менежер)
• Барилгын салбарын ЖДҮ тойрсон авлига - Н.Халиун (БарилгаМН сэтгүүлийнг судлаач)
• Дотор агаарын чанарын үнэлгээ ба шинэ стандарт - Алтангадас (Ногоон титэм ХХК)

Амины орон сууц ба дэд бүтцийн шийдлийн өдөр - 2026 оны 4 дүгээр сарын 26 (Ням гараг) 

Үзэсгэлэнгийн хаалтын өдөр иргэд, олон нийтэд зориулсан “Амины орон сууц ба дэд бүтцийн шийдэл” сэдвийн хүрээнд практик мэдээлэл, зөвлөгөөг онцлон хүргэнэ.

Энэ өдөр салбарын зөвлөх инженерүүд эрчим хүчний хэмнэлттэй төлөвлөлт, хөрсний онцлогт тохирсон суурийн төлөвлөлт, бие даасан дэд бүтцийн шийдлийг найдвартай хэрэгжүүлэх аргачлалын талаар илтгэл тавина. Мөн амины орон сууц барихаар төлөвлөж буй иргэдэд чиглэсэн зөвлөгөө, мэдээлэл хүргэж, тэдний сонирхсон асуултад нээлттэй хариулан, хамгийн оновчтой, эдийн засгийн хувьд үр ашигтай шийдлүүдийг танилцуулах юм.

Семинарын хөтөлбөр (11:00-14:00 цагийн хооронд) 

• Нар + батарейн системийг амины орон сууцанд ухаалгаар төлөвлөх нь - Г.Бат-Эрдэнэ (Монкабель системс" ХХК - ийн Барилгын Технологийн хэлтсийн захирал)
• Эрчим хүчний хэмнэлттэй амины орон сууцны төлөвлөлт - Ө.Хуягбаатар ("Хангал Констракшн" ХХК-ийн захирал)
• Хөрсний төрлүүдийн шинж чанар ба барилгын суурийн нөлөөлөл - О.Балдорж (Таван үндэс ХХК-ийн үүсгэн байгуулагч, Монгол Улсын зөвлөх инженер, Гавьяат барилгачин)
• Барилгын үйл ажиллагааны тусгай зөвшөөрлийн шинэ систем - М.Энхбаатар (Монголын Барилгын Үндэсний Ассоциацийн  Гүйцэтгэх захирал) 
  
• Барилгачин худалдааны төв
• Амины сууцны хийцлэлийн шийдлүүд, давуу ба сул тал - О.Хишигмөнх (Барилгачин группын инженер)
  
• Эрүүл хөрс, бохирын найдвартай шийдэл - С.Цэвэгсүрэн (Пластик Центр ХХК-ийн Ерөнхий захирал)
• Шингэрүүлсэн хийн түлшээр халаалт шийдэх нь - Ө.Нэргүй (Дашваанжил групп ХХК-ийн Хийн хангамжийн инженер, Хийн бойлер, ноцоогуурын борлуулалтын албаны ахлах менежер)
• Эрчим хүчний өндөр хэмнэлттэй амины сууц ба аялал жуулчлал - Ч.Батцэнгэл (Зөвлөгч Архитектор, Зохион бүтээгч)
  

Энэхүү сэдэвчилсэн семинар нь салбарын бодлого, эрх зүйн шинэчлэлийг танилцуулах, шинэ технологи, инновацыг нэвтрүүлэх, мэргэжилтнүүдийн мэдлэг чадварыг бусадтай хуваалцах болон барилгын салбарын тулгамдсан асуудлуудыг хэлэлцэх олон талт зорилготой. Хөтөлбөрт технологийн дэвшлээс гадна ХАБЭА, салбарын даатгал болон бусад тулгамдсан асуудлуудыг тусгайлан багтаасан нь энэ удаагийн экспог илүү үр дүнтэй, ажил хэрэгч болгож байна.

Иймд салбарын шинэлэг шийдэл, бодлогын хэлэлцүүлэг, технологийн дэвшлийг нэг дороос үнэ төлбөргүй сонсож, мэргэжлийн түвшинд мэдээлэл солилцохыг хүссэн хэн бүхнийг 39 дэх удаагийн “BARILGA EXPO” олон улсын барилгын үзэсгэлэн яармагт хүрэлцэн ирэхийг урьж байна.

Ерөнхий зохион байгуулагч:

БАРИЛГА МН

Хамтран зохион байгуулагч 

ХОТ БАЙГУУЛАЛТ, БАРИЛГА, ОРОН СУУЦЖУУЛАЛЫН ЯАМ

НИЙСЛЭЛИЙН ЗАСАГ ДАРГЫН ТАМГЫН ГАЗАР

БАРИЛГЫН ХӨЖЛИЙН ТӨВ

Ерөнхий ивээн тэтгэгч:

AGARTA RESIDENCE

Ивээн тэтгэгч

ЛАН ПОЙНТ ХХК

БАРИЛГАЧИН ХУДАЛДААНЫ ТӨВ

Дэмжигч байгууллага:

ARIGUN TOWER

ЖЭЙ ЖЭЙ БИ ХХК

ТӨГС БАЙШИН  КОНСТРАКШН ХХК

ЭН ТИ ЭМ ТОВЕР ХХК /BOGD KHAN RESIDENCE/

MINDTECH 

HEBEI JIZHI RURAL VILLA  TECHNOLOGY CO., LTD

Холбогдох утас: 7711 3333, 9990 7816

Website: https://barilgaexpo.mn