Нийслэлийн газрын алба, Мэргэжлийн хяналтын газар, иргэний нийгмийн хөдөлгөөнүүд хамтран өнөөдөр Туул голын эрэг дээр барилга барих гэж байгаа 3 компанийн хашааг буулгажээ.

Энэ сарын 1-нд Иргэдийн нөхөрлөл холбоо ТББ, Экологийн боловсролыг олгох төв зэрэг иргэний нийгмийн хөдөлгөөнүүд хамтран сэтгүүлчдэд хэвлэлийн бага хурал хийлгэлээ. Хэвлэлийн хурал дээр Яармагын хавьцаа Туул голын ай сав газрууд буюу баруун зүүн хэсэгт нь зөвшөөрөлгүй барилга байгууламж барих улмаар мод бургасыг нь огтлох, ундны усыг бохирдуулах зэрэг үйл ажиллагаа явуулж байгаа Пума констракшн, Монгол крамек, “PIMM” гэсэн 3 компанийн барилгын хашааг нураасан талаар ярьлаа.

Пума констракшн нь нийтдээ 20 газрын зөвшөөрөлтэй боловч одоогоор 100 гаруй газар барилга барихаар үйл ажиллагаагаа эхлээд байгаа юм байна.

Анх 2006 оноос эхлэн Нийслэлийн захирагчийн алба зөвшөөрөл  олгож эхэлжээ. Эдгээр зөвшөөрөл олгосон төр засгийн байгууллагууд хуулиа зөрчсөн гэж дээрх байгууллагууд үзэж байгаа бөгөөд энэ талаараа МУ-ын Ерөнхий сайдад өргөх гэж байгаагаа мэдэгдлээ. Хуулинд ундны усны 500 метрээс дотогш ямар ч барилга барьж болохгүй гэсэн заалт  байдаг байна.   

            БАРИЛГА.мн
Н.Уранзаяа