МБИХ-ны нэрэмжит "Барилгын мэргэжлийн англи хэл"-ний тэмцээн

МБИХ-ны нэрэмжит "Барилгын мэргэжлийн англи хэл"-ний тэмцээн

Монголын Барилгын Инженерүүдийн Холбооны нэрэмжит
Барилгын Мэргэжлийн англи хэл-ний тэмцээний
Удирдамж

Нэг. Зорилго

Монгол улсын Засгийн Газараас Англи хэл-ийг албан ёсны хоёр дахь хэл болгохоор зарлаад хөтөлбөрүүдийг  хэрэгжүүлж байна. Манай орны барилгын салбарт мэргэжлийн англи хэлтэй мэргэжилтэний шаардлага зайлшгүй гарч байгаатай холбогдуулан барилгын мэргэжлээр сурч буй оюутнуудын дунд “Барилгын мэргэжлийн англи хэл”-ний тэмцээнийг зарлаж байна. Зорилго нь оюутнуудын англи хэлний мэдлэг, мэргэжлийн үгийн баялгийг үнэлэх, урамшуулах,  тэдний идэвхи сонирхол нийгмийн оролцоог нэмэгдүүлэх нь юм. 

Хоёр. Хамрах хүрээ

ШУТИС-Барилгын Инженерийн Сургууль

Гурав. Зохион байгуулах

Тэмцээн нь 2 үе шаттай явагдана.

1-р үе шат: 1-р шатанд тус тэмцээнд оролцох сонирхолтой оюутнууд оролцож болно.

2-р үе шат: 1-р шатнаас шалгарсан 15 оюутан оролцох эрхтэй болох бөгөөд тодорхой шалгууруудад өрсөлдөнө. Үүнд: англиас монгол руу орчуулах, монголоос англи руу орчуулга хийх, эх сонсоод ойлгосноо ярих, асуултанд хариулах гэх мэт.   

Дөрөв.Хугацаа

1-р үе шат:       2008 оны 4-р сарын 21 –ний өдөр ШУТИС-БИС дээр зохионо.

2-р үе шат:       2008 оны 4 дүгээр сар 28 -ний 17.00 цагаас ШУТИС дээр зохион байгуулна.

Тав. Шагнал

1-р байр 1 хүн   Өргөмжлөл, 150 мянган төгрөг

2-р байр  1 хүн  Өргөмжлөл, 100 мянган төгрөг

3-р байр  3 хүн  Өргөмжлөл, 50 мянган төгрөг /тус бүр/

Бүртгэл:

2008 оны 4-р сарын 18-ныг хүртэл Харьяа тэнхимүүд дээр болон БИС-ийн Р.Хишгээ, М.Сугар багш нарт, Хэлний Боловсролын Сургуулийн Ч.Золзаяа, Н.Алтанзул, П.Бямбажав багш нарт тус тус бүртгүүлнэ.

Зохион байгуулагчид:

Монголын Барилгын Инженерүүдийн Холбоо

ХИМОН Констракшн ХХК

ШУТИС – Барилгын Инженерийн Сургууль

ШУТИС – Хэлний Боловсролын Сургууль


Дэлгэрэнгүй мэдээллийг энд дарж үзнэ үү

Холбоотой мэдээ